不過執完真係開心晒, 間屋多返好多位, 可以乾乾淨淨過新年~
1pm 我們去了千免廣場, 因為有麥兜大巡遊, 但我哋搵來搵去都見唔到, 問D 管理員又唔知.....
只好影影麥兜聖誕樹~
行完三層本來都走了, 不過再行多次碰碰運氣, 點知就在二樓見到了!
已經好多人圍住影相, 哈哈, D 小朋友見到好開心, 個個走埋去親親麥兜~ :D
呢一代的小朋友好攪笑, 在港爸港媽的訓練下, 個個一見到相機都好識擺 pose~
下午謙謙來到我家了, 好多個月冇見, 佢又大個仔咗好多!
他是我的舊 case, 識佢時只是三歲幾, 而家已經係12 歲了, 時光飛逝~
教一個特別的孩子, 真的不容易, 明年升中, 有更多挑戰,
Band 2 的學校就擔心跟唔到功課, Band 3 的更擔心佢俾人欺負, 其實可以點呢?
呢D 小朋友, 究竟應該何處容身?
學校硬要高科技行電子書, 他的同學仔人人一部 iPad/ tablet, 沒有一部的他給同學仔取笑,
他應該如何自處呢? 如果是當年的我, 相信家境亦不足以讓我買一部, 這些政策要令孩子有好好的 EQ.......
謙謙扭波愈來愈叻 , 今日仲示範扭 Angry bird 連丫叉俾我, 好得意呀~~
夜晚唔想煮, 出去元朗搵食, 六點去到安娜已經勁多人.......
唯有再喺教育路搵搵, 去咗一間叫 Mr. Pizza 的新店,
老實說, 座位唔得, 我同後面的人是背貼背, 坐得好辛苦....
服務只可用混亂去形容, 兩個後生伙計係好似收唔到你講乜嘢, D 單亂到個個都催,
上了個龍蝦湯, 黐線, 咸過海水, 即刻叫佢換了~
咁轉個飲品啦, 我想話個所謂水吧係由嗰兩個後生伙計做埋, 完全冇 skill 的斟D 嘢飲出嚟,
兩杯奶茶可以係完全唔同色的, 就只有幾專業!!!
主菜等到發火咁濟, 好耐先上第一個菜, 好彩食物的質素算唔錯, 否則我應該反枱了 >.<
千層麵, 算多汁仲多芝士, 咀匀的謙謙都讚好食, 就真係都好食~
意大利雲吞一般啦, 有點咸.....
16吋 pizza 就真係好正, 佢係人手即拉, 很多料, 超超超多芝士, 拉到長長的一絲絲, 勁~
味道很好, 所以都有好多人買外賣~
不過這樣的服務 , 真係好唔得, 唔會再幫襯啦~
沒有留言:
發佈留言