2013 Note 收車了!!

今日實在太興奮喇, 我們收車了!!



非常感激師弟陪我哋去九龍灣收車, 仲幫我哋揸架車返元朗,
一路講咗好多好有用的路面同駕車知識俾我哋聽, 又一齊去汽車用品店話我哋聽有咩要買~

尋晚臨急臨忙去旺角買部 GPS, 其實之前都已經喺元朗同深水埗睇過,
想買 PAPAGO Z3, 嘩但係 $2880 冇價講太貴了.......
喺旺電見到凱立德地圖的, $1290 都 ok 喎~
我真係覺得部 GPS 太有用了, 尤其是我哋呢D 唔熟路的, 一路可以 show 到俾我睇跟住的路係點!
呢部嘢 detect GPS signal 都算快, 不過佢的搜尋同地圖就當然冇 PAPAGO 咁好啦, 一分錢一分貨~



今日亦都正式接收了我哋個車位喇, 其實真係好感恩, 之前好順利咁買到呢個位又識到個跑友賣家,
買完之後, 就開始全城炒車位, 新鴻基仲加咗停車場租 $300, 如果冇買到, 而家養車負責又真係大好多!!!

師弟教我哋泊 L 位, 呢張相係波比先生自己第一次成功泊到呀, 可喜可賀!!!



之後車返師弟返屋企, 雪藏牌終於都第一次行 HIGHWAY 了!!
還好一切順利, 不過揸車嘅定理係: 守規則唔超速的人, 係會不停俾唔守規則的人閃.....

不過同師弟分別後就出事喇, 個 GPS 冇電, 用車又攞唔到電.....攪到去到荃灣就熄咗..... 好大鑊!!!
我哋約了家人喺青衣城食生日飯, 已經遲了......
去到荃灣的一個路口, 人肉 GPS 波比先生 + Google Map 又教錯路, 攪到我 miss 咗個轉去青衣的路口.....
攪到一路行行行, 要去到深井先可以返到轉頭, 仲完全冇心理準備之下, 行咗汀九橋, 真係嚇鬼死我呀, 好驚好驚呀!!!!
入到青又上又落大斜路, 又俾人嫌慢......
去到青衣城, 已經遲了 45min, 見到個 car park 話 full 咗, 即刻好鬼徬徨!!!
好彩照跟住排隊入去, 又有人走咋~
見到個吉位, 終於要獻出我哋第一次冇人教之下泊車喇!!!!
後面有幾架車, 感激大家的忍讓! 波比先生今次都算叻喇, 一泊就泊到, 雖然大細邊~

落車嗰吓, 真係驚魂未定....... 嚇到飯都食唔落呀..............

之後, 波比爸爸幫我哋睇吓個 GPS , 發現原來我哋駁錯位, 最後攪掂返有電喇, 謝天謝地!!!
安全地揸返元朗, 去到屋企留下的露天停車場練泊 L 位, 泊極都係大細邊........
波比先生的泊位就比較好, 差唔多次次都泊到了!

唉, 終於完成了有驚無險的一天, 還要多多好好練習呀.....