[愛美食] 三聖興記海鮮

今日上午去跑跑步, 好耐冇跑去天水圍了, 由屋企跑去濕地公園, 再去西鐵站共 9km
有D 上斜, 可以練吓力, 風景都唔錯~

中午就約了屋企人去三聖食海鮮, 是波比爸爸話要同由英國返來放假的表妹食飯,
我住咗屯門元朗咁耐, 都真係未去過三聖食海鮮, 係有一次買過返去自己煮咋~

今日去了這間興記, 巴士總站對面就係, 一行11人, 叫咗好多嘢食!
海鮮方面, 係自己去海鮮檔買好, 再拎來加工,
呢隻虎紋蝦好好好得呀, D 肉非常爽, 肉質鮮甜!



椒鹽瀨尿蝦, 嘩, 超超超大隻呀!!! D 肉好大舊, 又好鮮味! 超讚!!!



D 蜆又係好大隻, 大到好似象拔蚌咁囉!!
豉椒炒好惹味, 正!!



送的海鮮湯, 後面係D 湯渣, 可見好真材實料~



燒鵝就皮脆肉嫩, 係條魚D 肉唔夠滑,
整體來說, 全部食物都好滿意, 真係好得呀, 下次要 encore 呀!!



之後出去旺角, 一落車波比竟然叫肚餓, 又去麥當當......
真係生積呀佢, 係咁多嘢但一D 肉都冇..............
個薑味咖啡幾得意, 同埋 O 咗咀咁大杯.......



之後我去睇牙, 多謝牙醫叔叔用心幫我洗乾淨D 牙齒呢~

波比又敗家了, 兩個月內, 我買第三對波鞋喇......
話咗唔好嘥錢買, 有人話唔買唔得, 因為我著開嗰對已著了年半, 真係可能冇晒吸震, 呢排著住跑會有D 腳板底痛...
再買呢, 我死都唔買 Asics 喇, 鬼咩, 買兩對, 兩對都著一兩個月就鞋頭穿窿, 都唔知有冇攪錯!!!
今次去買 Mizuno Wave Rider 15, 希望耐著D 啦~
多謝波比老公 ^3^