~太開心的生日~

今年的生日, 很難忘!!

1. 同波比先生一同完成了第一次的 15km 比賽
地點是上水的雙魚河, 7:30am 集合, 第一次揸車去跑步比賽, 第一次感受到揸車的方便,
因為可以唔洗寄行李, 可以唔洗咁早去到磨, 走的時候又可以勁快返到屋企換衫沖涼,
到了上水的停車場, 勁開心, 有位直插, 唔洗泊 L 位! 同時到埗的都是跑友!

我還是第一次跑 15km 比賽, 波比上年參加, 凍到阿媽都唔認得, 得嗰 7 度, 我去等佢, 凍到僵咗....
今年唔同了, 超好天氣, 從未試過十二月的生日會熱到著短袖衫

本來諗住跑咁長, 要跑慢D, 驚冇氣, 點知一路又 keep 到 5"35'/km 喎!
是 2XU 的功效嗎? 哈, 我著咗三次, 都真係覺得有D 用呀!!



2. BDay Lunch @ Sorriso Italian Cuisine
多謝波比先生的安排, 去了一間超水準的意大利餐廳, 在iSquare 的 29/F, 超讚的海景!!!
在這個位置望, 有趣的見到很多平時不會見到的角度,
原來半島酒店頂樓係有直昇機坪!!! 見住有人坐直昇機嚟囉! 好 crazy!!!



這裡吃 Sunday Brunch, 頭盤是自助的, burger 同生蠔都好美味!!



主菜的羊, 太嫩滑了!!! 白色嗰 pat 唔知係乜, 又唔係薯蓉,  但超好食! 好 creamy!



燒龍蝦, 超得!! 唔夠喉!!



Pasta 都是自助頭盤的一部份, 即叫即煮, D 汁好香芝士味, 超正!





我最愛的甜品時間, 有十多款甜品的 buffet, 個 Tiramisu 杯杯整得好正宗意大利味道, 正呀!!



還有即叫即製的 pancake, yummy!



3. 車已花......
話說買架車, 部分都係想車吓D 老人家去食飯, 今晚就揸去屯門碼頭啦~
點知發生了數個小意外, 又搵唔到路入悅湖山莊的停車場,
去到了, 先發現轉上每一層的路, 又斜又窄, 黐線...... 嚇到呆咗!
轉咗好多層都冇位, 轉到我喊想走了!!! 最後有位, 泊完攪到遲咗成大半個鐘.......
食完飯攞車, 出事了, 扭落去的時候, 回軚回得唔好, 成架車想撞埋右邊, 右側鏡在牆上括了一大下........
又呆咗........ 不幸中之大幸, 係車身冇花, 塊鏡冇爛, 但花了......一星期貨仔實在肉痛.......
唉, 我以後死都唔會再泊悅湖山莊呀!!! >.< 真係唔好貪平.......