今次是第三次京阪神之旅, 七日的行程, 3 日神戶、2日京都嵐山、2日大阪~
我始終覺得京阪神的交通發達但複雜, 太多的鐵路, 很難用 pass~
睇了 小氣少年的手機部落格, 一個很用心寫的 blog, 介紹了不同關西的交通票券, 清楚很多!
上次去日本, 同 b-mobile SIM card, 300kb 上網慢到嘔...........
今次無意中發現了一間叫 VisonData 的 Pocket Wifi 租借店, 出發前一日在香港取機,
到日本一落機未過海關就已經可以上網 (波比還在看足球直播), 返香港第二日先還機, 即係可以用到上機前一刻,
我們租了 4G 的 Wifi, 速度令人滿意, 是去得較山區的地方先較慢, very good!
返到香港已經介紹咗俾幾個朋友用了!!
今次係第一次搭零晨機去旅行, 慶幸戴了眼罩後都算瞓到兩三個鐘~
落機是日本時間六點幾, 過關很快, 然後在六號站搭機場巴士直去神戶, 車上又瞓過~
一小時後, 到了神戶喇~
今次住的酒店是 Toyoko Inn Kobe Sannomiya No.2, 經 Asiaroom book,
之前都好擔心究竟有冇問題, 因為 book 的過程怪怪的, 好驚去到話其實冇我 booking,
去到 check in 超順利, 放低行李就出發去玩喇!!!
現在只係八點幾, 我們在三宮站搵咗間 cafe 食早餐, 又熱又脆的三文治同咖啡, 令人充滿力量!
不過可惜日本的食肆並不是全面禁煙的 (實在很難理解), 一邊吃早餐一邊要食二手煙感覺實在不太好......
然後我們搭神戸新交通ポートライナー 去 市民廣場站, 到神戸国際展示場領取馬拉松的選手包
當我領了選手包後, 波比先生發現我個選手包有「中獎」的字眼, 一問之下, 原來我真的中獎了!!
哈哈哈, 係價值 1300yen 的毛巾一條啊, 太幸運了!
之後到 expo 會場行行, 規模不夠上年大阪馬拉松的大, 不過一檔 asics 攤位都可以買到你破產.....
嘩, D 緊身褲好 fancy 呀!!! 好鍾意!!
不過實在太貴了....... 買唔落手...........
仲有好多今次馬拉松的限量 Tee, 波比又揍熱鬧買了件~
仲有買咗幅成萬 Yen 的太陽眼睛、手套、號碼布扣,
俾完錢, 有個叔叔截住我哋, 說了一堆日文, 然後送了個 File 俾我哋!
嘩!, 原來係一個紀念 file, 可以入晒今次馬拉松的資料呀, 號碼布呀, 衫呀入去~
我後來真係整好呢個 file, 好有紀念價值!!!
再行行行, 今次跑的路線圖
哈哈, 有紀念酒! 仲有好多小蛋糕試食~
行完 expo , 我們要去六甲山同有馬, 在三宮站的阪急票務處, 買了兩套「有馬・六甲周遊１ｄａｙパス」
http://www.shintetsu.co.jp/arima_rokko/1day/index.html
搭阪急電鐵去到阪急六甲站, 再轉巴士去牧場, 當中很徬徨, 因為搵唔到個巴士站, 但又唔可以 miss 班車, 否則要等一個鐘.....
好彩指手畫腳的問到人, 原來站就在對面馬路~
上咗車, 波比又瞓, 真係好佩服佢話瞓就瞓的絕技! 我就欣賞一下山上的風景, 一片紅紅黃黃, 好靚呀~
愈上愈高, 深中雲中
仲見到唔少人行山, 著得超型仔 (點解D 日本衫咁靚o架?!)
45分鐘後, 我們終於到了六甲山牧場喇!!!
本來我哋想去食飯先, 因為已經成兩點, 好肚餓, 一路搵餐廳, 先知行錯了....
原來餐廳不在牧場內, 是在入口的右邊......
攪錯了, 又入場了........... 無辨法唯有快快行完佢~
我們一直行到最入, 見到小賣店, 有芝士試食, 是牧場的出品, 超超超讚呀!
然後食住兩個超美味超滑的牛奶布丁頂肚, 可惜這些都要雪, 帶不了返香港~
然後去餵羊咩!!!
Hello Dolly!!
佢哋超為食呀, o習o習o習好快就食晒~
摸吓佢哋D 毛毛, 好可愛!!
佢哋係多麼的歎啊~~
離開羊欄, 返回入口邊, 有些小屋有小動物, 這是 BB 牛~
仲有懶豬豬!
有鴨仔的池塘, 很悠閒~
周圍都很美, 我們還遇上指婚紗照的香港人, 真係識揀地方呀!!!
行完已經是三點幾, 餓荒了......
去到餐廳, 我們包了場, 哈哈~~
叫了兩份燒肉 set~
很很很豐富呀~~~ 神戶牛呀~~
D 蝦同帶子都好新鮮肉厚!
我唔客氣了, 食得很暢快!! D 牛肉真係好得, 油脂滿佈, 入口即化!
之後是搭阪急バス去摩耶ロープウェー山上駅, 點知出事了......
去到個站成 5pm, 我們還準備好上了巴士, 準備上去纜車站, 搭一程纜車就到有馬溫泉,
忽然 check check 纜車的時間表, 吓?!?!?! 最後一班纜車將於 5:10pm 開出,
唔係化~~~~~~~~~~~~~~~ 天呀~~~~~~~~~~~~~
即是話我們上到纜車站, 都唔會搭到纜車.............
我們同有馬只差少少的距離, 但上唔到去..... 冇其他交通工具, 而二千幾 yen 的 pass 又未用過咁滯, 點算???
我非常非常之無奈, 但都冇辦法.......
唯有認命離開...................
搭了一程 Ropeway 落山, 但已冇晒心機..... 再轉巴士, 點知瞓過龍, 去了 JR 站而唔係阪急站, 攪到又要俾錢搭 JR (本來搭阪急係唔洗錢)
好唔開心, 返咗酒店先, 放低很重的隨身物, 決定再出發, 好豬的用第二條路徑上有馬,
搭了四種鐵路, 不過好彩都係個零鐘, 上到去有馬已經烏燈黑火, 睇唔到紅葉啦.....
直去 1 Day Pass 包的金之湯浸溫泉, 男女當然分開的
又出事了....... 其實我都知溫泉唔可以連續浸好耐, 我都應該唔係浸咗好耐,
但浸完竟然覺得暈, 仲愈來愈暈, 快了暈低了......
第一時間梗係著返晒衫先, 第二就係言語不通的求助.......
那些日本人真係超超超好!!! 個個都好幫手, 俾我瞓低, 拎咗好多凍毛巾嚟撻喺我身上幫我降溫, 仲有俾冰水我飲,
好彩我慢慢地冇咁暈, 睜得開眼了! 真係好感激大家救了我一命,
在就嚟失去知覺的一刻, 我已經作了最壞打算要入醫院.............
唉, 下次浸溫泉真係好小心先得呀!
呢個泉D 水真係好熱, 熱到根本我都浸唔到個人落去, 其實我只係浸到小腿咋, 我都唔明點解會出事,
我遲咗出嚟, 嚇死波比先生了............
我們搭鐵路離開, 返返三宮已經係九點了, 去四天王食個拉麵, 久違了的日本拉麵呀, 竟然坐返上次張枱~
飯後去行行便利店, 好多咖啡
返到酒店, 終於都完成了 Day 1 的行程, 食個布甸定吓驚,
好好的睡了~
今日總結是坐零晨機, 時間真係好好用, 一日去了咁多地方,
不過又真係攰少少啦~
.jpg)
沒有留言:
發佈留言