[愛跑步] 跑在九龍

星期天, 破例來一個唔健康的早餐, 首選餐肉蛋麵!
我炒D 滑蛋真係唔錯o架! 三花牌餐肉就冇咁肥, 仲有牛尖腸添~



配個日本買回來的拉麵, 滿足~



然後揸車出九龍, 波比先生約了朋友在高山公園踢波~
明明都睇晒地圖, 去到九龍站嗰頭都係入錯線.......兩條線都轉左, 一條去尖咀, 一條去油麻地, 我想入漆咸道, 都唔知跟邊條線先啱......
攪到兜嚟兜去, 行何文田經佛光街先去得到......



波比踢波時, 我去了跑了, 想跑吓斜路練腳力,
嘩, 但係上何文田真係幾斜吓, 跑唔夠一百米已經變咗行............



龜速跑了一個鐘, 8.5km, 收工~
當人人都著到隻糭咁, 我著件短袖衫跑, 好似好勁~ 哈哈~
不過九龍俾我嘅感覺真係冇乜地方好跑, 人多車多路窄, 一路跑一路食塵,
我還是喜歡做元朗村姑, 每日吸到清新空氣, 可以跑去南生圍/ 大棠/ 屯門都好舒服~



等波比踢完, 我哋去了一間土瓜灣很有名的哥登堡餐廳, 是像安娜的老牌餐廳,
侍應高效率, 食物快靚正!

已是下午茶時後, 叫了下午茶餐, 竟然有椰汁紅豆冰送, 好好味呀, 又唔太甜~



牛扒薯條熱辣辣, 咖哩飯堅好食, 個咖哩汁好得, 很濃稠, 簡直嫌唔夠飯送汁呀~~



酒樓晚飯過後, 生積的波比先生又焗麵包, 加了這個 unpasteurized milk camembert cheese 真係超好食!!!
都係上次 BBQ 食過呢種芝士, 先知咁正! 特濃的芝士味, 很 creamy!!!



個法包番焗後, 四面都脆晒, 但入面仍然好鬆軟, 哈哈, 好滿意~