我覺得市面賣的月餅有時好唔健康, 睇睇大班冰皮的成份, 你會發現乳化劑防腐劑色素等等 chemical,
點解人要食埋咁多 chemical 呢? 而家咁多小朋友生出來有問題, 人又咁多 cancer, 是否同我哋嘅飲食習慣有關?
第二次在家整月餅, 為了健康, 唔想出去買餡料,
因為當你上淘寶打「月餅」一 search, 你會發現好多十幾蚊有半公斤的「月餅餡」, 當中係咩成份, 不得而知,
烘焙店賣好多「台灣製」的餡料, 但係咪真係台灣製? 不得而知.......
是大陸製的, 我諗老細都唔會蠢到大隻字寫住中國製, 香港人聞中國食品色變~
芋頭餡栗子餡, 當中有幾多 % 真是芋頭同栗子呢?
所以今次跟了為食貓的食譜, 自己炒綠豆餡,
其實非常之易造, 我仲減糖又冇落油, 一路煮其實已經慢慢變成蓉, 無需加油再炒~
http://www.leisure-cat.com/frm_1061.htm
製成品很滿意, 原來自己整的綠豆蓉, 真的有很香很香的綠豆味, 好似食埋綠豆沙咁,
街上買的, 絕對冇得比!!! 你會發現大班的所謂綠豆蓉, 其實一點豆味也沒有!
準備好晒, 開工!
今次沒有整酥皮, 係好好食, 但又好唔健康.... 今次用的是日式桃山皮, 其實是用白豆蓉整的皮料,
沒有油份, 很健康~
這次脫模後, 輪廓清晰好多!
焗完了, 嘻嘻, 豬樣都仲喺度!
花花的是黑芝麻餡, 其實很多不同味道的餡都是以綠豆蓉做 base,
再加入朱古力/芝麻/綠茶粉等, 就成了不同味道~
阿 Pooh 個樣都 ok 呀!
哈哈. 很愛這個橫切面!
大量生產後, 一盒送了俾好朋友, 一盒給波比帶返公司請同事食, 一盒請我的同事食,
本年月餅完產了! 哈哈, 我建議波比的同事供月餅會, 每月 $20 , 出年中秋就可以得到一盒自家製自選口味月餅了~
沒有留言:
發佈留言