今日跑去天水圍運動場 + 天水圍公園 , 在公園的樹蔭下跑, 有花有蟲相伴, 蠻不錯呀~
見到中秋佈置, 今個中秋去邊玩好呢?
下午去又剪返個男仔頭, 天氣太熱了~
點知剪完頭髮落傾盆大雨, 雷電交加.... 大雨到人人都在屋簷下避雨, 根本行唔到嗰種
我仲要去買餸.......拎住三袋餸, 一路行一路對腳濕晒,
正諗緊點好呀? 點行返屋企的時候, 竟然俾我遇上了屋苑的小巴, 實在太感恩了~~
要知道這小巴成二十分鐘一班, 平日根本唔會等, 要等都已經濕晒, 竟然俾我遇到了! 奇蹟!
星期日, 很想煮一些平時放工根本唔會有時間整的菜色, 今日的目標就係上海燻魚,
話說我好鍾意食燻魚, 記得中學時, 學校附近有一間上海菜, 我去親都必點這燻魚菜飯~
可惜元朗似乎冇燻魚食/有都整得唔好食,
到九龍的上海菜, 有時我也想點, 不過波比不愛魚, 而且此魚實在非常多骨, 實在擔心會啃 C 呢個老公, 所以實在很久很久沒吃此菜了~
咁啱尋日浦食譜網站時, 見到燻魚的食譜, 即刻雙眼發亮, 立志要試一試!
今晚波比不在家, 我自己可以慢慢造慢慢獨享這人間美食~
魚檔的叔叔好好人, 只要你對他說你用來造燻魚, 佢會幫你去鱗切件, 感動!
返來醃魚同埋整麵包, 嘻嘻~
醃咗兩個鐘, 拎去炸
同時要煮個汁, D 糖嘅份量多到嚇死人, 我只落了一半, 其實都夠味, 燻魚最好食就係那甜甜的味道~
煮完個汁, 浸住D 魚半小時至入味即成 (哈, 其實燻魚並不是燻的)
完成了, 話晒都係跟酒樓師傅的食譜, 味道絕對有九成相似, 好滿意! 浸耐D 會更入味添~
D 汁唔好倒, 用來送飯好美味呀~
其實都唔難整, 係要花時間準備囉, 值得再煮呀~
.jpg)
沒有留言:
發佈留言