不過上次那包是脆皮的, 今次想整軟包, 於是試了新食譜, 零失敗的食譜, 嘻~
尋日 5:30pm 多開始發酵, 發到 7:30pm, 嘩, 大咗好好好多呀~~~
今次我加入了全麥粉, 唔知大家有冇聽過其實麵包店的麥包, 並非真係麥, 只係落了黃糖或一種俗稱黑水的東西, 令顏色變黃!
以為健康D, 其實係仲唔健康.........
想有多點纖維, 就要落真正的麥粉先得呀~ 不過記住只可以落大概 10% 到, 否則個麵糰會發唔起!
發了第一次, 之後就放入雪櫃低溫再發酵三小時!
發完已經是 10:30pm, 我要睡了, 所以留待今日才整形~
今朝心掛掛, 5am 就起身了, 有人可能會覺得為咗食包要五點起身, 太誇張了,
不過我以前常常聽一位半鬼婆舊同事講佢每朝都聞住麵包香咁醒 (每天都用麵包機整包), 實在太想試試~
剪出麵糰, 加入餡料及造型, 分別有合桃包、朱古力杏仁包、黑芝麻包, 再進行第二次發酵,
因為我實在估唔到發完有幾大, 驚萬一發唔起, 得好細個唔夠食, 最後整多一個合桃包,
點知, 發完個 size 都幾大喎! 共發了 45分鐘~
6:15am 入爐焗喇!!! 好緊張!
13分鐘後, 香噴噴的麵包出爐了!
究竟咩味呢?? 嘻嘻, 我想話係好好味!!!!
呢個包超超超鬆軟, 就是類似 Delifrance 香草軟包那種質地~ 外面微脆, 入面睇吓幾多氣孔幾鬆!
清晨有個咁鬆軟的麵包食, 對我這個包痴來說, 是太幸福的事情!
合桃包加點牛油, 又是另一番滋味!
雪櫃的麵糰還有很多, 聽日又可以整 (不過又要早起),
麵糰可以放 14天, 整一次主麵糰應該夠我哋食四日呀~ 嘻嘻, 諗到都開心了~
沒有留言:
發佈留言