節日只要有家人朋友一起, 其實做什麼也快樂~
波比就好啦, 今日放早, 於是就自動請纓幫我去買餸, 不過我都估佢實攪個大頭佛出來.....
叫佢買一樣餸, 佢就買咗三樣! 攪到我本身一早醃了的雞都唔洗煮~
買蝦買咗一斤! 俾我話兩個人點食呀...............
仲有用咗兩蚊去買蔥, 俾我話買菜有得送o架喎, 你買半斤菜都係三蚊............又俾人呃了........
不過, 我都 appreciate 佢幫我拎咁多嘢返屋企嘅 effort 嘅~
買了4 隻超巨的桶蠔, 上次酥炸, 今次是薑蔥, 用了鮑汁、老抽、蠔油、紹興酒去煮, 似乎冇酥炸咁腥!
Again, 波比一人吃了三隻, 他是一等一的蠔癡!
飯後, 我們外出走走, 在屋苑見到好光的月亮, 還有人在附近放煙花同埋放天燈~
我們搭西鐵去天水圍, 再步行至天水圍公園, 因為知道那裡有花燈晚會~
去到人山人海呀~~~ 見到人有點蠟燭, 這才似是中秋節~ 電燈籠始終少了那份中秋的情懷
這裡的花燈好靚, 今年除了維園, 這裡絕對是個賞燈的好地方
上次見到日頭的小白兔, 今次夜晚睇, 另有一番可愛
沿著長長的噴水池, 一片的花燈
行行吓, 覺得好腳痛, 可能是前兩日跑了 18km 的後果,
坐咗陣食月餅之後就返元朗, 去 McCafe 食蛋糕飲咖啡, 再打道回府了~
沒有留言:
發佈留言