我的第一個戚風蛋糕

放假又是整蛋糕時間, 今日試新嘢, 就係整檸檬戚風蛋糕,
其實咩係戚風? 哈哈, 一睇 wikipedia 先知原來咪係由細食到大的雪芳蛋糕囉!
只不過係台灣譯成「戚風」o者!

雪芳蛋糕（Chiffon cake），大陸和香港稱雪芳蛋糕，此類蛋糕是混合麵糊類和乳沫類兩種麵糊，改變乳沫蛋糕的組織和顆粒而成。蛋糕，主要用蛋白、蛋黃、泡打粉、麵粉及植物油焗製而成。雪芳蛋糕最大特色是口感鬆軟，採用分蛋打發的技巧，使組織包有充分空氣而爽口細緻，同時因為以植物油取代牛油，空氣也較易藏於蛋糕之內。此外，這亦使蛋糕的熱量較低。然而，雪芳蛋糕沒有了牛油蛋糕獨有的香味。

造此蛋糕要打到蛋白糊, 記得好耐之前試過一次, 但失敗了,
近來睇本蛋糕書同睇電視, 先知道秘訣係要加少少鹽,
今次成功了, 好開心呀!!!! (有時覺得整蛋糕好似賭一鋪大細咁, 一係就掂咗, 一係就完全衰晒整唔到....)

睇吓幾企身 (忽然間覺得好似洗頭水泡泡!)
時間掌握真係好緊要, 本書話打過龍又唔得, 我覺得今次仍未係最 perfect!



混埋雞蛋面糊後就焗得, 20 分鐘好快就完成了!!!
脹卜卜的 Dome Shape, 嘻嘻~



登鄧, 切開食得做早餐喇!!!
因為呢個蛋糕係完全唔洗落牛油 (入咗爐時先發現, 忽然間好驚係咪自己落漏咗嘢....),
所以沒有了牛油的香味, 但係就食到好香的蛋味同檸檬味! 呢種感覺很特別!
不過上面都講過, 麵糊未係打得最好, 未可以做到最鬆軟的效果,
唔緊要, 有了一次的經驗, 下次我會整更好食的! 而且真係唔難整呀~~~



真正的戚風, 應該要用個戚風模去焗嘛?
哈, 但我家廚房真係已經太多廚具碗碟了, 多添一個模具的話, 相信要放到我的書房喇.......
等我搬大屋時先考慮啦~ :P