刷刷刷, 鮑魚煲仔飯

今個星期終於所有同事返返工, 最緊要老細返返工, 咁我就唔洗應付好多煩厭的 admin 工作了!

好耐冇試過可以準時放工了~~~~~~~~ 為咗慶祝, 今晚煮餐好的!
本來是想清埋廚櫃的膶腸而整煲仔飯, 最後忽然間心思思, 整咗個豉椒鮑魚仔排骨煲仔飯

鮑魚仔在街市買, 可以叫阿姐起埋肉 (去腸), 不過返到屋企都有排攪!
要用個牙刷, 不停咁刷刷刷, 刷走鮑魚仔兩邊的污糟嘢, 好花時間的.....
今次整 6 隻都好了, 再叫我刷多D 就真係怕怕!

煲好煲仔飯, 豉椒汁另外整再淋面, 香噴噴的煲仔飯就完成了!!!



咁樣整, 可以食到鮑魚仔的鮮味, 唔會俾像街外的重調味蓋過晒D 味道~
波比話可以下次再 encore 喎~

同事去完柬埔寨, 買咗D 香料俾我做手信, 哈哈, 好鍾意!!
仲有 from 柬埔寨的麥兜, 真係一句: 唔係化?!