問問整唔整到法包俾佢哋送紅酒?
法包呢, 我睇好多人都話要用法包粉, 我又唔想另外買,
好彩我D 麵包書原來都有教, 用高粉 + 低粉都可以, 加埋液種今日又整懶人麵包了, 嘻嘻~
本來我覺得, 法包呢D 冇咩特別 , 去百佳 $9 買個算啦,
不過今次整完又改觀喎, 自己整的做到外脆內軟, 不像街買的外皮死實實, 好食好多!
最重要的, 還是無添加夠健康呢~
切片, 加點肉鬆, 又可以加芝士蒜蓉再焗一焗, 正呀~
另外應波比要求做了些硬豬包形
為的是變身成翠華的奶油豬! 嘩哈哈哈!!! 多謝 $12!
近來睇過 Slow Cooked Salmon 的介紹, 好想整嚟試試,
在大橋街市近月又新開了一間專賣三文魚的舖頭, 是天助我也!
網上其實有好多食譜呀, 我用 120 度焗 30 分鐘
效果我覺得有 90 分, 真係好滑, d 魚油又保存得好過煎,
但仍未整到人哋鮮粉紅色透明的肉質, 下次會試吓再低溫D 同油浸的煮法先!
沒有留言:
發佈留言