海南雞, ok 啦, 又唔算有咩大驚喜
反而我覺得個魚蛋湯超正, D 魚蛋好彈牙, 似是全新鮮魚肉造, 冇加過任何粉去 make up volume,
個湯就係用魚煮的, 不是味精湯,
個干撈麵有似D 營多撈麵, 哈!
大概 2pm 我們又集合, 車埋另外兩組人, 搭了兩個鐘車南下, 去到 Kilas River 睇長鼻猴同螢火蟲
途中落到好似紅雨的暴雨, 好彩去到只有間歇性的毛毛雨, 很感恩!
到達小碼頭, 先來個 tea,
地道的奶茶、糕點、香蕉, 還不錯
5pm 出發了, 同船有大陸人有日本人, 大家都很努力地在河的兩邊搜索長鼻猴的蹤影
當見到第一隻時, 大家都好開心歡呼
每看到一隻, 都是一個幸運
其實猴子離我們好好好遠, 要不是有支 45-200mm 的鏡頭, 絕對睇唔到佢哋的真面目
哈, 鼻子真的很長呀!
回程時, 見到有猴子在游水過河, 導遊都話我哋超好彩呢!
數數看, 你見到幾多隻呢?
睇完長鼻猴要一個鐘, 其實是繞了河行一圈,
回到碼頭, 吃了個自助晚餐, 味道都算唔錯~
入黑了, 我們開始 Part 2 的再見螢火蟲之旅,
一齊再上船出河, 船停了, 船家打閃燈去引起螢火蟲發光,
忽然間成棵樹都一閃一閃, 好似聖誕樹, 係好靚,
不過, 我也想起了舊同學提過很懷疑那只是騙人的燈泡,
其實我都好懷疑....... 因為太光太大點了, 我在香港見過的從沒有咁光,
第二是光的位置永遠靜止不動,
第三是船家似乎是未卜先知, 去到某一棵樹就停下來, 一閃燈就成棵樹亮起來,
其他的樹又唔見得會咁集中的成棵樹閃亮........
我努力地求證它的真偽, 我也見到有會飛的光點, 但很少同埋細點光好多,
我相信是有真的螢火蟲, 不過也不排除有人在欺騙遊客,
最後, 還是帶著疑團的離開, 不過波比先生和其他人都睇得好開心就算吧~
回程, 又要坐兩個鐘車,
沙巴的旅遊巴大多是用貨 van 加幾張櫈改裝的, 很細很迫十分唔好坐......
屈到腰都痛的來回坐了四個鐘, 不過都覺得值得一去這個景點~
回程時, 還去了 Beryl 朱古力店, 買了榴槤朱古力, 真係超好食呀!
想問下你係咪包車去? 要幾錢 ? 我下個月都去沙巴, 想同家人 (total 5人)去看螢火蟲....
回覆刪除我們 join local tour, 去動物園加埋睇螢火蟲, RM 460
回覆刪除