所以就平平地搵個地方去~
東南亞很多地方都去過了, 諗咗好耐都唔知去邊好, 太落後太不清潔的地方, 我們又不會考慮,
記得見過小婉子的沙巴遊記, 好似好好玩!
遇上了 AirAsia 新開早機去晚機返, book 埋新開張的靚酒店, 兩個都係五千幾, 抵到爛, 決定 go go go!
上次坐AA, 經歷實在太差, 今次又要坐, 做好準備,
帶了墊腰的披肩、吹氣頸枕, 很重要的是消磨時間用的廿多集 < On Call 36 小時> ,
三個多小時的機, 很平安地渡過, 很感恩!
入境到攞行李, 很順利很快, 1:25pm 已踏出入境大堂,
見到了「完美假期」的人來接機, 本來諗住係好事, 點知真係等到我火滾!!!
佢唔係淨係接我哋, 仲要接埋另外兩批人, 有一批人好明顯係搭另一班遲好多的機,
我們呆等了 50分鐘先上到佢安排的旅遊巴, 嘩, 真係火都嚟埋! 我想話由機場去我酒店, 只係 10分鐘車囉!!! 如果我一早知道佢係要我咁等, 我就自己搭車好過啦!
人齊上車, 要兜三間酒店, 明明我們的酒店最近機場, 點知佢最後先兜到去, 真係嘥晒我哋好多時間!!!
點解咁好死有車接? 咪其實係想一早收晒你報 local tour 的尾數囉~
但如果有朋友再 book, 我會極力建議唔好用佢的接機服務囉, 真係覺得完全被騙!
我們住的是 Ming Garden Hotel and Residence, 係一間好新開的酒店,
我會俾 9 分佢, 間房好大好舒服, 開兩枱麻雀都得! 每日都有兩支水提供~
自助早餐超超超多選擇超好食! 地下的服務員好 helpful 好有禮貌!!
唯一問題係離市中心大街有點遠, 要行 1-2km 的路程, 我們行慣路當然冇乜所謂,
不過有時買咗好多嘢, 當然都好希望即刻返上酒店就好!
酒店都有 shuttle bus 去大街, 但兩小時先有一班, 要預約, 不過 so far 咁多日都唔見有乜人搭,
如果班次密D 就真係 very good!
Settle down 後已經三點, 第一站係行去 Star City 的富源食個 tea!
拉茶超讚, 牛油咖吔多好好食 (不過好肥),
必試當地人早餐最常食的半熟蛋, 真係滑得好緊要!!
食完唔多夠, 整多兩隻雞翼同埋斑蘭蛋糕,
斑蘭蛋糕只係賣 RM 1.5, 仲要好香椰子味, 鬆軟超好食!
下一站係訊號山瞭望台, 我飢散步般行去, 見到了鐘樓, 就轉上山路
就是沿著這很頭文字 D 的公路旁走呀走, 行得大汗疊細汗.....
好嘢, 到了瞭望台! 不過其實位置唔算高, 亞庇市的景色就是這麼多~
太陽開始落山了!
我們也落山, 找到一條木樓梯, 通過了森林
走到地面, 就是在澳洲旅館後面
我們去了個大商場 Suria Sabah 過冷河, 但冇咩睇, 等到 6 點, 去了海邊睇日落~
MAGIC HOUR!
五個年頭了~
沒有留言:
發佈留言