菠蘿蛋

今天我和波比先生又去做義工教小朋友,
見到一個小朋友朦豬豬去完廁所唔洗手,
叫佢入去洗過, 先發現佢又肥又矮, 係完全唔夠高唔夠手長去開洗手盆個水喉,
我唯有走入男廁幫佢開, 先發現原來佢矮得連水柱都掂唔到, 哎呀, 第時返學點算.....

之後在上水的石湖墟街市的熟食市場食飯,
其實上水都係一個好好住的地方, 以前工作多年都好鍾意呢度, 尤其是個街市好多好靚的食材,
仲有呢個平靚正的熟食市場~

四年多沒有來了! 星期六人頭湧湧, 好彩我目標的明記仲有位~
這裡由一對年長的夫妻經營, 港式常餐、碟頭飯都是街坊價, 不是領匯那些連鎖快餐店!!
這裡有一種很特別的食物, 叫做「菠蘿蛋」,
哈哈, 其實是煎蛋包著菠蘿油, 好肥o架, 不過咁樣食又真係幾好食o架!



還有隔離超好生意的東莞佬, 佢哋嘅粥好好食, 腸粉即叫即拉, 好滑,
叫咗豬膶腸, 已經唔係好多地方有得食, 好多豬膶又好爽, 得得好好呀~