明洞 Express

最後一日的假期, 全世界都問點解過得咁快o架??

這一天好充實, 由屋企跑去屯門十公里, 本是想跑到去屯門碼頭的, 但好熱又攰,
最後在屯門站上車好了!

和家人食完午飯, 我們去了探友人的 BB, 超可愛呀~~

之後我們到尖沙咀的明洞 Express 食晚飯, 去到好多人啊, 好好彩啱啱有位咋~
先要自己去買飛, 會俾個電子牌你, 哈, 想起了韓國 Everland 點餐啊~
個牌一響就可以去攞食物, 全自助



我的牛肉什錦石頭飯, 好多飯焦, D 飯焦又唔會太硬,
不過佢係冇任何汁的, 初頭吃有點淡, 直至我們發現係有豉油同辣醬喺出面可以自行添加,
加咗之後正好多~



波比的辣麵, D 麵好煙 un, 香港未食過, 去韓國旅行都未食過~
個醬都幾辣呀, 但又甜甜地, 愈食愈滋味, 整體好好食呀~



去搭車時, 在 K11 地庫見到北海道蛋糕的 counter, 試吃後買了一件芝士蛋糕,
很滑又很濃的芝士味啊, 那間舖頭叫 UNA, 值得一試~