[2013 北海道雪祭遊記] Day 2 - 滝野すずらん丘陵公園玩雪之旅

北海道遊記, 寫完 Day 1 一直都冇時間再寫, 終於都有時間再落筆了~
Day 2, 我們在 Sapporo Excel Hotel Tokyu 食早餐, buffet 形式的, D 蛋最好食!





今日第一站就係滝野すずらん丘陵公園, 去呢度可以玩雪呀! 人生第一次玩雪, 未出發先超興奮!
我哋搭地鐵往真駒內站, 出站後去 2號巴士站, 就可以搭巴士往すずらん公園東口
見到好多人帶晒滑雪用品去呢, 當中好多仲係伯伯同婆婆, cool!!



車程中, 見到好可愛的屋子, 好似去咗一個夢想國度







半小時就到公園了!!



今日是 -6度....... 不過好彩D 禦寒裝備好 ok, 唔會凍親~



嘩嘩, 成個山都係雪呀, 大鄉里第一次見到咁嘅景色, 超開心!





好多小朋友學滑雪呢~



我們先去入口左邊的 locker 放低了隨身物, 咁先可以玩得盡興嘛
你睇D 雪幾深, 真係要大讚對 Gore-tex Adidas 啦, 唔係佢對腳一定凍死咗
每行一步都係陷入去, 真係要好多力o架~



有個大朋友忍唔住碌地沙, 碌碌碌~



第一次見到雪砌的屋, 捐出捐入又開心了一輪~



我們第一個活動係滑水泡, 日本人好守規則好自律, 自己去屋仔拎個水泡, 玩完自己會放返好





要拖住個咁重的水泡行上山坡都幾係嘢......
好彩有條運輸帶, 可勾住個水泡運你上去, 但貪玩的波比先生自己行上去, 行完攰到死~ 傻瓜~



We are ready!!



守秩序排隊, 記住要等前一個人離開了滑道你先好 sir 落去呀~~
坐好之後, 可以自己 /at9/ 落去, 又可以一腳伸佢落去 XD
Sir 落去真係好好玩, 哈哈哈, 玩了一次又一次~
另外有一邊仲有個激D 嘅彎彎滑道, 真係拋得好犀利, 個人覺得有小小危險, 因為真係會 chok 到條頸~



玩完了, 入間屋仔抖抖, 我都未見過副全視線眼鏡變到任黑咁恐怖,
真係證明了雪地的紫外線經反射後會好好好強, 後來有一日因冇戴眼鏡攪到對眼痛到開唔到,
所以真係要提醒要去的朋友, 記住戴太陽鏡了!



我哋入了接待處的小屋, 那裡有紀念品賣, 同埋可以租滑雪/踏雪用品



有人問點解唔去滑雪呀? 冇呀, 因為聽過太多人的受傷經驗, 唔想唔識玩而樂極生悲,
一陣受傷了攪到渣馬都跑唔到就真係欲哭無淚了, 所以都係安全D 玩踏雪好~

什麼是踏雪? 就是可以免費借一對雪鞋同雪杖, 在指定的路線行山~ (下圖黃色路線)



wow, 好似好 pro!



如果唔係有呢對雪鞋, 在半呎高的雪地真是寸步難行



我們行行行, 去到一D 較斜的山坡, 都咪話唔驚, 一唔隱就會一路滑落山......



過程其實都幾吃力o架, 而且行到一半, 冇晒指示牌, 都唔知點行...... 所以回頭了~
當中在雪山上的風景真係好靚, 只是揸住咁多嘢, 唔方便冇影相~

在雪地上寫字, 又是第一次~ :P



歸還了雪鞋, 本打算搭車走了, 點知遲咗, 想搭班車走了, 下一班車要成個鐘之後,
就坐低食埋飯啦~ 自由行就是要自由嘛~

估唔到小飯堂的食物又平又好味喎! 咖哩超濃郁, 豬扒好脆!
做完咁多運動的我們吃光光~



仲有超大隻的炸蝦蕎麥麵, 都好好味~



等下班巴士, 三點幾終於離開了, 很難忘又開心的活動啊!