[2013 北海道雪祭遊記] Day 3 - 支笏湖氷涛祭 x 成吉思汗燒肉

上一回講到食 lunch 食得好趕, 因為我哋要趕去支笏湖睇氷涛祭, 如果 miss 咗巴士就冇得去了!!
我們半走半跑的行去搭地鐵到札幌站, 要趕上1:55pm 開出的ＪＲ快速エアポート136号,
在千歳站落車, 再要搭 2:50pm 開出的巴士到支笏湖,
就這樣, 搭車都搭了兩個半鐘, 去睇呢個氷涛祭值得嗎??

哈哈, 其實真係諗住冇乜機會再嚟, 就乜都要見識吓啦,
唔想自己咁轉折搭咁多程車, 其實都有好多公司攪半日/一日 tour 去, 但仲衰, 搭 5hr 車, 停留一個鐘就走...... 還是自由行自由得多~

3:35pm 我們落巴士了, 下車後四圍都是雪, 分不到方向, 也不知道氷涛祭該往哪邊走, 只是走吓走吓就到了~~





會場並不大, 比一個香港的運動場還小



不過無可否認, 這些小冰山很壯觀~ (不過再去層雲峽的更更更壯觀)





可以自己黐個錢上去許願







有很多冰洞都很有趣, 我們不停的「嘩, 好犀利呀」(又一次覺得讀萬卷書不如行萬里路)



樹也結冰了~





又有冰海鮮





雪愈來愈大..........



原來開 flash light 影相就會影到雪點



此時繼續後悔點解冇買防水相機..... 因為真係覺得咁濕法, 波比部相機應該命不久矣.....


有幸福之鐘, 但咁時勢, 實在不好意思叫人幫我哋影合照



天開始黑了, 北海道的冬天, 四點幾就天黑







博鬥完一輪, 找了間小店坐坐, 那裡有暖爐呀, 好 c 服, 但又有好多人食煙囉!
真係好唔明白, 點解一個咁先進的國家, 仍然未室內禁煙呢??

熱騰騰的食物, 份外滋味, 不過飲品太甜了, 在日本總覺得他們的飲品同甜點永遠都過甜~



還未夠鐘搭回程的巴士, 我們就逛多次入夜後的氷涛祭
hehe, 認到佢係邊個嗎?



唔洗我講, 你睇張相都知當時有幾橫風橫雪...... 你只需企十鐘, 就可以變做雪人......
所以我哋都係走了......





5:45pm 我們搭回程的巴士到千歲站, 再轉 JR 返札幌, 再轉地鐵去薄野,
今晚是吃成吉思汗燒肉, 波比要對對佢~



大家都圍著廚房的長枱坐, 親近又熱鬧





二人一爐, 自己烤自己吃, 熱辣辣的美味~





回酒店途中又見到好可愛的房子



甜品是吃布丁, 每在個日本的晚上都不可缺少的甜品~