[2013 北海道雪祭遊記] Day 3 - 円山動物園

到了 Day 3, 今日去動物園, 出發前先在酒店吃早餐,

今日較早起身, 所以可以在地下的餐廳吃, 

Sapporo Excel Hotel Tokyu 的早餐在地下及一樓都有供應, 食物是一樣的, 不過一樓是個 Function Room 臨時改為用餐地點, 地下才是真正的餐廳, 環境較舒適~

簡單的早餐, 令人注湖能量去玩個夠!



坐在窗邊, 一邊看飄雪一邊吃早餐, 絕對是賞心樂事!!



今天會搭幾次地鐵, 買了 1 Day Pass 用, 很抵~



搭地鐵去円山公園站, 落車行約 15 分鐘就到動物園一途中見到好歐式的屋子,  加上雪景, 太靚了!



其實今日的雪落得很很很大, 有遮都冇用, 因為雪輕, 是會從四方八面飄來的
打到面上, 其實凍到不太好受, 唯有用頸巾包到淨返對眼
又證明了有帽及防水的羽絨真係非常重要!!



前兩日其實冇落雪, 今日算係第一次見到落雪, 原來雪唔係卡通片的球形,
而是雪花狀, 像星星有六分支, 很有趣~



去到動物園, 吓 , 今日免入場費?!?!?! 賺透了!!

入內去第一個小園區, 推開閘門, 見到有一班菇時在我前面經過,
哈哈哈, 笑死我了, 原來呢度的動物仔係放養, 佢可以自由出入走出來行行吓~



不過我想同佢影合照, 佢就想咬我, 驚驚~



其實今日的大風雪令影相好困難, 我們兩部相機都不是防水的, 算好彩, 沒有網上所講喺凍嘅地方好快冇電的情況,
但係就在戶外都唔知影唔影好, 一影就成部機濕晒..... 所以真係有D 後悔冇買部防水相機嚟~
而且戴住手套係完全按不到相機掣, 一影就要除手套, 實在凍到對手結冰...... 真係好唔想影....

唯有入到室內影多D 啦, 見到好多兔兔縮埋一舊~







手繪的, 好有人情味



原來兩隻河馬仲老過我哋好多, 失敬失敬!













呢度有D 冰滑梯, 又有冰隧道可以捐嚟捐去, 小朋友玩得最開心~ (其實我都好想 sir, 不過超齡了!)