[愛住家菜] 葡國雞拼手抓餅

話說我有包黃薑粉, 煮完一次擺咗喺度成年, 終於的起心肝用埋佢!
星期一晚煮了葡國雞, 不過其實又志不在雞, 在我想食好耐的手抓餅!!!



手抓餅是台灣的小食, 在台中的夜市食過之後簡直列入台灣十大美食之一!
不過之後去台灣都遇不上, 使人念念不忘......
有次行一田, 見到有得賣急凍的, 就買了來, 不過一路都冇機會整嚟食~

今次整了葡汁, 煎了手抓餅, 它在說明介紹中叫我自己抓爛佢
手抓餅是要真的用手去爐上抓鬆塊餅, 當時我們見到檔主咁整, 簡直覺得佢有鐵砂掌的功力!!!
我實在抓唔爛, 就咁啦!! 這款手抓餅味道不錯, 香香脆脆, 很香的芝麻味, 點了些葡汁食, 正!