走走走, 來到新世紀的 Pacific coffee, 入口細, 但內裡大, 環境舒適, 仲有唔少梳化椅~
最有趣的, 是有 4 張如自修室的枱櫈座位 (相片中間), 有電掣有 LAN 頭, 哈哈哈, 走苦讀學生路線很聰明啊~
我們這一代, 中學高考會考時, 就是每天七點幾去中央圖書館的自修室排定隊,
九點鐘開閘放豬入去, 一人一格, 唔郁得唔嘈得唔准食嘢, 努力的讀讀讀! 讀到夜晚食飯先走~
讀大學時每天埋首在大學圖書館, 好多時我都讀到 9pm 先離開~
烏燈黑火, 慢慢走落那長長的斜路, 再去上環搭巴士返屋企~
星期六, 也是要在圖書館先讀得專心~
而家的一代學生, 可以好有錢, 連鎖咖啡店裡, 一枱二枱都是攤開晒 pointpower handout 疑似讀書的學生,
不過其中又有好多人其實在 Whatsapp/ Candy Crush/ Facebook............
我一直都仍然覺得連鎖咖啡店很貴, $40 飲杯嘢, 其實夠我去食碟飯, 或者買一餐餸!
所以, 都是波比先生喜歡, 我才奉陪~
這些年輕人, 除非自己有做 part-time 養活自己, 否則就是用父母的錢, 去過一些有點過份奢侈的讀書生活,
這一代年青人, 吃好住好, 有幾多明白父母賺錢辛苦......
這天晚上, 我沒點咖啡, 反而是被這小兔蛋糕吸引,
是古力香蕉蛋糕 - 我最愛的 combination 啊!! 很多蕉, 唔太甜, 讚~
同場加映: 波比難得送花俾老婆, 有一日他在銅鑼灣工作, 放工後偷偷去了 Tony Wong 買的~
這黑古力的味道十分讚呀, 超濃呀, 唔捨得之下, 分了三日慢慢食
.jpg)
沒有留言:
發佈留言