[愛美食] 石崗咖哩屋@ 元朗 x 補膠

同波比住咗元朗咁耐, 都未一齊去食過有名的石崗咖哩屋
我讀大學時食過一次, 正! 不過佢食晚飯都唔平, lunch 又未必想食呢啲, 所以咁多年都冇去過~

facebook 見到鄰居山友去咗食, 波比又話要食, 終於星期日去了!
Set lunch $50-60, 又唔係好貴喎!
有炸洋蔥同埋春卷做小食



叫咗一個咖哩羊, 一個咖哩牛, 兩個都超好味呀!!
我同波比都大讚佢的咖哩汁煮得超正, 應該係用肉一齊煮咗好耐的!
所以個汁係有濃濃的牛味羊味, 點 naan bread 食一流!! 跟餐的 naan bread 份量好多, 讚!
後來先知原來加 $10 可以轉芒果汁, 哎呀, 蠢咗....... 佢成日喺門口賣啲好大個嘅芒果o架, 啲果汁一定超正, 下次一定要試試!



知道師弟膝頭哥痛, 唉, 我都好明白嗰種痛好無奈, 大家都就快要比賽,
所以就整D 好嘢益佢!
上網研究咗一輪有咩食物有葡萄糖胺, 答案係冇, 要食啲食物後由身體轉化製造的~
比較有助葡萄糖胺合成的話, 食蝦蟹殼似乎唔多可能, 唯有食啲有 ligament 的食物啦~
於是就煮個沙參玉竹雞腳湯, 呢個湯好清甜, 仲好多膠質呀! 正!



秋風起, 秋刀魚正!



仲有香草羊肩扒, yummy!