[愛美食] 渝家風@元朗

又是一星期總有一兩日老公扭出街食飯的日子,
話說元朗呢排又開咗好多新食肆, 真係有排都食唔完,
未去新食肆之前, 去一間開咗兩年, 但都未有機會去食的川菜店

呢間渝家風在新 B 仔對面, 每次經過都聞到好勁的麻辣味,
主打「水煮XX 」的菜式, 亦有近期大熱的麻辣雞煲打邊爐,
店子細細, 只容得下廿多個客人,
家庭式經營, 即點即煮, 老細一開鑊, 嘩, D 麻辣味充滿空氣, 勁到齋坐到覺得澀眼嗆喉



叫了水煮魚 ($108), 正呀, 好過之前在香港食過的幾間呀, 因為唔算好油,
條魚好足料, 一整條魚連頭連尾俾你, 唔似之前食過的得啲魚片碎,
師傅又切得好手勢, 唔會有碎骨, 仲有好多芽菜、海帶、配料, 多到食唔晒, 打包聽日帶飯呀!

擔擔麵 ($22), 冇乜味, 都唔係上海的花生味道嘅, 不過幼麵幾好食啦

水口雞 ($38), 有點酸有點辣, 雞味肉質都唔錯, 好醒胃呀!

整體都是滿意的, 有機會再翻兜!