搭 E34 去都係大半個鐘, 方便過去西貢好多!
今日行程 17km, 由東涌地鐵站行去大澳~
出發了, 第一個 check point 就是山頂那 360 站台!
一嚟就係咁上, 又吧吧聲咁禁晒汗..... 好彩今日帶足寶礦力, 冇抽筋~
今日天氣其實都算唔錯, 冇前兩日咁大霧, 睇到唔錯的風景~
wow wow wow, 就到喇!!!
唔肯搽太陽油的波比先生, 曬到愈來愈似耕田佬......
嘩哈哈, 呢個位目及嘢一流喎!
360 在我手中!
第一次咁樣睇機場同東涌
呢條路幾得意, 好大部分是木搭的路, 行到震震吓
然後, 是超斜同直的梯級
一路上呀上, 上到 360 的一個中途站,
每當有 360 經過, 我哋就大聲同車箱內的人 "Hello, Welcome" 或者 (普通話) "歡迎",
D人見到我哋又好開心揮晒手, 超攪笑!!! 我哋影佢哋時, 又俾佢哋影返, 我哋成為了一個景點~
旁邊有好多小山
離開個站, 再往昂平市集方向去
yeah yeah yeah , 終於都到了!
呢度地方其實唔係好大, 如果唔係嚟拜佛, 其實都有D 無聊!
遇上巡遊
A 貨林村許願樹
先是一大段落山的路, 見到小水塘
落完又上過, 嘩, 我仲以為唔洗再上添......
佢哋今日仲行得好快, 追死我喇......
努力努力!!!
最後一個山峰了, 之後就落落落~
跟住一班資深的行山人真係好, 聽聽佢哋講解不同地方的歷史, 真係增廣見聞!
去到一個叫龍仔悟圓的地方, 唔係團友帶入去都唔知咁靚!
個池塘勁多魚, 團友犧牲了一個雞尾包俾我哋影相, D 魚好狼呀!!!
再落落落, 落一條有 60 度的路, 真係斜到 sir 落去都得!
之後就去返海岸了, yeah~~ 這就是大澳!
有D 團友繼續行返東涌, 成30km 呀!!
我同波比就遊吓大澳, 等船返屯門~
好好人的團友又教我哋邊度搵食正, 佢哋真係好 expert!!!
呢間張財記的蝦醬個個都話正喎!
跟住食咗炭燒雞蛋仔, 超好食, 真係外脆內軟, 又香牛油味!
之後我哋遇上一間超超超正的 cafe, 係對住河景的!!!
點了一杯虹吸咖啡同芝士蛋糕, 望住河景, 嘩, 人生真係好寫意~~
又再搵食, 買了糯米糍, 砵仔糕, 仲有燒海鮮!
炭燒鮑魚, 好味!!!
還買了辣椒油、紫貝天葵、咸檸檬, 收穫好豐富!
日落了~
我們第一次搭往返屯門的小船, $25 , 一小時就返到屯門, 方便過又去東涌又搭巴士
小小的船, 好得意~ 途中可惜見唔到中華白海豚~
返到屯門剛 7pm, 同 Daddy 去聯邦食晚飯, 超滿足的一日啊~
沒有留言:
發佈留言