今日全程 16.8km, 先搭 K66 港鐵巴士, 在大欖郊野公園站下車,
然後沿大棠山道入大棠, 見到唔少人踩著爬山單車上去,
走了兩公里多, 我們轉入大棠自然教育徑, 想行一點山路, 亦當是 shortcut
轉入元荃古道後, 行行行, 點知發現 google map 的路線原來不可盡信,
想行的一條小路, 原來已長滿植物, 不宜俾人行, 唯有好傻仔的兜了一個 U 字, 又入返大棠山道咁行
今日見到好多大狗狗呀, 好多人一朝就帶兩三隻大狗嚟行山, 仲有好多外國人, 外國人都好熱愛大自然
不知不覺, 行過了大欖, 橫跨了大欖隧道, 走到八鄉一帶, 望到一大片的綠油油同村屋
雖然秋風起, 有太陽時都係好曬好熱啊~
向石崗進發, 又要上斜, 不過當我們行過大帽山的斜, 這些斜已不是什麼一回事
見到瀑布, 配上綠油油的山景, 多麼美呀~
從來唔知有個咁嘅地方, 朋友話呢度係八鄉的港鐵車廠
心想著一陣的餐蛋麵, 努力大步走!
見到小小的水塘, 好靚呀~~
行了 14km , 終於都到達農場鮮奶公司,
食個農場自家牛奶做的芒果布丁, 正!!!!
仲有最肥的餐蛋麵呀, 塊餐肉煎得好有心機~
估唔到今日都幾多人, 雖然呢度係深山上, 但都有好多人特登揸車嚟食!
唔少得梗係買盒本地新鮮出品的牛奶, 好濃奶羶味呀!!
呢度仲有山羊, 可以 5 蚊買扎草餵佢哋~
跟住我哋經過石崗村, 出返荃錦公路, 轉左落山, 再轉右上林錦公路, 行去嘉道理農場探豬豬!
不過林錦公路都真係唔多係俾人行, 我哋有時同D 大車擦身而過, 有D 位又冇行人路, 都幾危險
16.8km, 終於到了! 不過嘉道理加咗價, 而家成 $20 入場費 =.=
但我都真係見到有好多 enhancement 做咗嘅......
去到豬欄, 得返一隻大花白豬咋....... 佢好孤獨呢.........
佢的肚腩依然拖地, 每次去都會聽到D 好無知的人話佢大肚, 應該就生得.....
問問職員, 原來其他豬豬都離開了, 又係嘅, 由我哋拍拖睇到而家, 十多年都始終難逃一死嘅,
職員話年尾會入返D 新豬, 希望陪陪呢隻豬婆婆佢冇咁孤單啦, 到時我哋會再嚟探你~
行去果園, 見到咖啡豆呀!!!
好靚的花花~
睇埋野豬, 冇上山就走了~ 搭 64k 返元朗, 真係搖到想嘔!
睇 google map 先知, 原來由我哋屋企去嘉道理農場只係 11km, 咁近,
只不過是搭車去的話, D 巴士小巴兜路先好似好耐, 第時有車, 真係20 分鐘就到呀~
第時老咗, 可以成日揸車去探肥豬, 都幾好喎!
沒有留言:
發佈留言