[愛住家菜] 韓式炒粉絲

終於都忙完幾星期了, 都唔知忙咗D 乜, 因為夜晚要返學? 攪到好似好耐冇煮新菜色咁~

我同波比先生其實都幾鍾意食韓國菜, 有一日行百佳見到有韓國粉絲賣, 就急不及待買咗包,
放了幾星期, 終於有時間整了!

整這個韓式炒粉絲唔難呀, 又好食又健康添!
先把粉絲放入滾水煮 8 分鐘, 盛起備用, (我整咗約 200g 粉絲, 原來都好多, 炒完足足有兩大碟, 兩個人食的話可以整少D)
將自己喜愛的配料切絲, 我用了青椒、蔥、甘荀、栗本菇, (可加埋牛肉等)
將配料落鑊炒, 炒到咁上下, 放埋粉絲炒, 
加入一湯匙生抽、一湯匙味醂、一湯匙韓式辣醬, 炒到覺得 ok 就上碟~

我想話, 味道真係好好, 韓式辣醬有一點甜, 很惹味, 自己落了多多配料, 比街賣的好食幾倍~
不過我煮嘢通常會淡少少, 愛濃味者可加D 生抽份量添~ 不過唔好食咁咸喇, 高血壓o架!