讀中學時上過, 不過過晒期, 一路都好想上返, 終於都有機會了!
其實真係有用o架, 起碼真係見有人有需要時, 都幫到吓手o丫!
半日的課程非常之密集, theory and practical 不停的操, 好彩都 pass 了, 很開心!
最攪笑係有學埋 BB 的 CPR, 一班人一齊喺度拍呀搓呀吹呀個 BB 公仔, 好攪笑!!
1pm 落堂, 在附近搵食, 去到一間街坊粥店, 超抵, $11 牛肉粥, $7 炸兩, 真係邊度搵?
下午拎咗大假, 遊巴士河去觀塘, 放假的日子, 實在好享受慢慢的坐巴士看風景~
去觀塘為的是買褸, 呢排都睇緊去北海道的雪褸, 因為多日都會玩雪要防水保暖又防風,
睇過 Columbia/ North Face/ Lafuma , 閒閒地都千千聲.......
無意中知道觀塘駱駝漆大廈有 Columbia 開倉, 於是去睇吓啦, 點知真係有正嘢!!!
買咗兩件Omni-Heat 褸, 原價要千幾二千, 特價 $600!!! D 用料真係好堅呀, 應該好保暖又防到水, good!
之後再遊巴士河, 去銅鑼灣, 找了間叫 Ocio 的窩夫店吃個 tea,
叫了個香蕉榛子拿破倫, 好好味, 蕉上面有脆脆的焦糖, 咁樣整好得呀!!
初訪 Hysan Place , 可能今日係閒日, 行誠品行得超舒服!
打書釘打了三個鐘, 買了兩本有關糖尿病的書俾波比爸爸, 又買了跑步 DVD 俾波比先生~
仲有買了好多故事書俾小朋友~
香港的誠品, 藏書始終不夠台灣的多, 不過種類點都比香港一般的書店多
等到波比先生放工, 去了 11/F 的 Izumi Curry 食飯,
滑蛋吉豬飯, 好味, 咖哩味很濃帶少酸, 開胃, 不過食食吓都幾辣o架!
漢堡扒, 超厚!!!
再去埋新開的 Pacific Coffee Emporium , 呢度環境真係超級一流, 暫時覺得係全港最正的連鎖咖啡店!!!
又大, 又多位, 又唔迫人, 又靜, D 位又舒服! 波比歎都唔捨得走!
呢度特別之處, 係有好多咖啡用具, 仲有炒豆機添呀~
喝喝咖啡又看看書, 超美滿的一日~
沒有留言:
發佈留言