比賽前, 有非常詳細清楚的地圖, 指示, 訓練熱身小貼士
集合時, 所有 counter 都非常之 smooth, 唔會有排等
比賽前, 一齊做熱身運動,
開始了, 有好足夠的工作人員, 沿途指示同打氣,
因為係大規模賽事, 有埋警察封路同維持秩序, 係我跑過三次城門河中, 安排得最好的一次~
我想話, D 人真係超超超勁! HA 真係卧虎藏龍!
起跑後, 係咁俾人過....... 但我都已經算係兩個月超懶練習後, 見得人的速度了!
我今個月只跑了 7 次, 仲要次次都係6分30秒/km 咁慢, 傷後一路都做唔到快的速度,
點知今日俾人帶住跑, 無形中又谷到D 小宇宙出嚟, 頭 4km 都係少過 6min/km, 之後就 keep 到6分多少少咁, 但一上斜就要抖抖行吓~
估唔到今日暖返好多, 跑到唔夠 3km, 熱到我好後悔著咗條長褲......
頭幾公里, 真係好辛苦....... 見到咁長的城門河, 有排見到到折返點, 就諗點解我要攞苦嚟辛.....
都係要過咗 4km 跑順咗, 就一路 keep 到個速度, 穩定地跑到返嚟~
全程 11.46km, 用了 1hr 8 min, 算是好過我預期了!!!
第一次跑超過 10km, 到最尾嗰 1km 真係跑到麻目咗冇晒感覺.......... 但原來, 我真係完成了!!
今日對腳又酸又軟......
波比參加了家屬組, 本來都諗過佢會唔會呃到半個獎返嚟,
佢 48min 完成, 但係家屬成人男子組個冠軍............. 41分鐘.............. 黐線o架, 有冇咁快呀?!
不過今次都係俾波比備戰渣馬的好好經驗, 因為有人大安主意冇縛好鞋帶,
又被人影響了速度, 今個星期日唔好喇!
沒有留言:
發佈留言