元朗好牙醫

臨近新年, 返工搭車好少人, 醫院慣常地開始冷清, 工作亦冇咁忙碌~

見咗個癌症的小妹妹, 幾歲大人仔就有癌症............
又開腦切腫瘤, 又電療化療, 真係見到都心酸............
無啦啦又跌斷腳, 攪到要打石膏坐輪椅,
本來上次見佢都開開心心, 今次見佢佢好似好唔開心, 好難先氹得佢一笑,
同佢玩遊戲, 見到佢雙手冇力地搖擺震動 (其實是 ataxia), 覺得好難過.......
點解有D 病連幾歲大的小朋友都唔放過............
我只好祝小朋友身體健健康康, 相信這也是爸媽的一點願望~

***************************************************

今日終於都去攪掂埋隻牙喇, 可以安樂地過年~

真係好欣賞呢間牙醫診所, 姑娘醫生都好好, 好細心, 睇咗 4 次, 成個過程好有心機
每次整完牙, 佢第二日都會打電話嚟問吓我有冇唔舒服,
仲有收費好合理, 同朋友傾開, 做一樣的 procedure 真係平好多, 應該話係老實唔會亂開價!
其實我會係覺得收得太平添...... 因為一個牙醫一個姑娘, serve 你成個鐘都係收幾百蚊,
洗牙仲要係超好心機洗好耐, 好乾淨, 其實我真係唔知佢點賺錢.......

住元朗的朋友, 好推介你去試試
梁東華牙科醫生診所 (Tel: 24797711) , 我睇的係 Dr. Tai
診所在田中壽司向交通廣場方向行幾個舖位就到~

整完牙同波比先生去食麥當當大餐, 開心~