年三十

嘻, 今日實在開心, 因為冇咩 case 睇, 中午史無前例地出咗去食飯~
平時我哋唔係唔出得去嘅, 不過趕頭趕命, 要換走制服先出得去,
又要行得遠先有嘢食, 又要等位又驚上菜慢, 返到嚟又要換返制服,
2pm 仲要睇 out-patient 的話就真係好唔夠時間, 所以我都未試過出去食~

今日就有同事撩起, 出咗去食日本嘢,
藍天白雲之下, 離開吓醫院, 人都開心D~

下午冇生意, 冇 in-patient 睇, 跟咗同事去睇 BB,
呢個新年後, 我就要睇 BB 仔 case 喇, 學餵奶學掃風, 好緊張!

波比先生有日又偷偷地買咗麥兜揮春,
麥兜同大家請請拜個早年, 恭喜發財, 新一年人人開開心心, 長搵長有, 衣食樂無憂!