大合奏

今日又去咗睇 BB, 好攪笑, 上星期睇過的 BB, 一星期後成個樣唔同咗, 簡直係唔認得佢!
在BB 箱前研究咗一陣究竟係咪佢?! 對完有名的手鈪仔先 verify 到身份,
佢真係超大隻 B 呀 , 全個 ICU 最肥最大隻就係佢囉!
上星期佢得幾日大, 已經覺得佢好大隻,
都唔明白, 咁大隻 B 點可以由個阿媽度走出嚟...........

更攪笑的係, 全場有二三十個 BB,
有一個喊起, 其他 BB 就跟住一齊喊, 嘩嘩嘩, 全場一齊喊, 好似大合奏咁,
嗰個情景真係好難忘~哈~

今日都繼續好凍呀, 要煮D 熱辣辣食物先得!
屋企有包素翅擺咗好耐都未食晒, 今晚就煮埋去 ( c9 仔成日都為清理雪櫃的剩餘食物好頭痕)
呢個熱辣辣的雲吞雞湯翅, 食完暖笠笠呀~