一點情

在這家醫院打滾了差不多三年, 見到一D 病人, 其實大概估到佢仲有幾耐日子,
有一個女病人, 情況都不妙, 眼都張不開, 只見她胡言亂語地說著一些話,
說話中, 多次對女兒重複:「妳阿爸呀? 我好掛住妳阿爸呀, 我真係好掛住妳阿爸呀...」
當一個人可能走到生命的盡頭, 「我好掛住...」這些平時不易講出口的說話, 都會洶湧而出,
或者佢好想先生可以來見佢最後一面, 但似乎先生都是行動不便, 不易到醫院來

每日都見好多呢D 情況, 使到我會成日幻想一下自己死前的一刻, 究竟會是怎樣?
我會寧願那過程快一點, 因為離留的那個時段, 實在叫人最傷心.......

今日同一個女兒傾到應否將媽媽送進安老院, 女兒哭了,
她是一個好孝順的女兒, 但因為柏金遜病的媽媽情況慢慢地差,
即使她已盡心盡力地照顧, 都已經實在十分困難, 穿衣洗澡換片, 也是十分困難地完成,
她很愛錫媽媽, 其實十分不捨與媽媽分離,
政府已多次派了政府資助的安老院舍俾婆婆, 女兒都拒絕了,
但政府現給予最後一個機會, 如果女兒都拒絕, 就沒有政府位,
當將來萬一要入住, 就要負擔高昂的價錢, 兼且未必找到有質素保證的護理安老院

兩難中, 究竟去或留, 邊一樣係對婆婆好?
女兒叫我俾一點意見, 我也只可從客觀角度說出自己的一點睇法,
其實心中點都係唔想婆婆去的, 再好的護理安老院, 都點夠親女兒照顧得好,
但現實情況, 照顧問題又為女兒帶來很多的壓力、擔心,
每一個選擇, 都有 pros and cons, 人只能作一個自己認為不會後悔的選擇, 而不是最完美的選擇~