年初三 - Mizuno 發財跑@山頂

今日波比先生又參加了跑步比賽, 係每年初三都會舉行的 Mizuno 發財跑
8 點鐘在太平山頂起跑, 我哋天未光, 6 點就要出發了

因為在香港站送車尾, 攪到比原定時間遲咗先上到去,
去到好趕, 得幾分鐘熱身就要集合了



咁多次跑步比賽, 今次的氣氛是最好的, 因為新年, 人人都好開心



仲有財神爺領跑!



8am , 起跑了!
今次有好多好似我咁的「跟得夫人」嚟到影相, 仲有埋 BB 同小狗~



起跑後, 又係我的自由活動時間, 在山頂的行山徑行咗一陣,
打雀同影花, 支長鏡真係好好用!





25 分鐘後, 我都要爬山爬去終點,
終點有個長命斜, 我行到索晒氣, 真係好彩今次我冇參加咋...... 唔係實冇命!!

終於見到波比先生喇! 好似 32分幾完成了 7.5km, 計埋跑山路, 都算係咁咯~



終點係一個好靚的公園, 如果唔係今次比賽, 都唔知山頂有個咁好的地方, 靚到好似去咗外國!



我們一起下山, 去翠華食個早餐, 歎杯奶茶, 超滿足!
愈來愈覺得我們的生活同嗜好好似D 退休老人咁, 哈~