真假月餅

今日終於都攪完個同事 training 了, 鬆一口氣!!

所以今晚要慶祝, 有松葉蟹,
猶豫緊究竟呢隻蟹應該生食定熟食?? (之前是急凍咁買返嚟) 都係穩陣D, 清蒸了拆肉食,
好多膏, D 腳都好多肉呀, 正!!!



另外整了吉野家牛肉飯, 不過唔記得影相,
仲有沙爹串燒雞, 今次係焗, 冇咁油, 但會乾身D, 都係健康D 好~



已過了兩日, 看看月餅回油後的效果:
嘩, 比起一焗完出嚟, 真係差好遠, 月餅的四邊都滲滿油光, 令立立!



又有月餅? 嘻, 係 Him Him 今日拎來醫院送俾我的, 可惜我們緣慳一面~
真係想拆開時, 覺得唔對路, 望望後面的包裝紙:
「此產品只供觀賞及送禮, 不宜食用」.....
原來係泥膠來的, 呃晒.............
哈哈, 好似我們醫院大時大節都會有D 月餅/粽/年糕等, 派俾每個病人,
不過都係擺喺病人枱頭應吓節, 又係「此產品只供觀賞用」



打電話俾 Him Him 多謝佢, 講開我去旅行:
「你想我買巴士定火車返嚟送俾你呀?」
「我兩樣都想要喎」
「吓 , 做人唔可以咁o架喎」
「咁真係好難揀o丫嘛, 最好妳買晒返嚟啦」
啞咗............

「妳去日本邊度呀?」
「我今次去九州呀」
「嘩, 九州D 拉麵正喎」
「吓, 你又識?!」
「梗係識啦, 九州就拉麵正, 青森就蘋果正o丫嘛, 不過要一二月D 蘋果先靚」
「吓.... 你咁都知?!」
「咁妳去九州買D 拉麵返嚟俾我做手信啦」
「吓...... 小朋友係唔可以咁樣叫大人做嘢o架喎.....」

對著這個 Him Him, 真的不知道好嬲定好笑