上海 Part 2 - 夜戰世博歐洲國家館

世博使人聯想到「迫」、「排隊」, 但其實只要玩得其法, 我們實在很享受我們的世博之旅!

先要擇日, 睇官網的統計, 星期日一二是最少人的, 星期六去就真係迫死,
後要擇時辰, 睇 newsgroup 話下午五六點後, 好多旅行團都會離開, 人少了, 排隊也快,
睇過人哋 blog, 日頭用六個鐘睇四個館, 晚上用兩個鐘就睇到四個館了,
所以決定我們的第一天, 一於五點後先買夜票入場

今日搭地鐵去世博, 點知我..... 睇錯了地鐵路線圖.......
以為一條 8 號線就可以由南京東路站去到世博園區,
點知睇清楚先知道係要搭二號線轉八號線再轉九號線先去到馬當路站.......
出站要行成條街先去到售票處



買票, 安檢, 再搭園區的列車, 攪攪吓成 5:30pm 先入到園區啊!
一上到地面, 實在太興奮了, 這個世博園區真的很很很大呀!!!
你看, 黃昏時沒有擠的感覺, 多好~

這一晚, 我們一共遊了 12 個館, 好勁嘛? 嘻嘻!
秘訣是先遊完全唔洗排隊的館, 到八九點再去埋D 好大, 日頭要排兩個鐘的歐洲國家館

第一個入了白俄羅斯館, 很童話的國度 (有人樣的相要去 Facebook 睇啊)



有人表演唱歌



捷克館, 很有趣的雕塑


用鏡的折射, 變成一大粒明珠



去了芬蘭館, 壯觀的大螢幕



希望未來世界的構想, 不是空想, 有一日我們可以活在一個更美好的城市


芬蘭的小甜餅, 味道很像麵包布丁



入夜了



丹麥館的美人魚





在丹麥館行到上層, 一片天幾片雲被燻得紅紅的, 還見到星星月亮, 多美好的感覺~





我指定要到愛沙尼亞館, 探小豬



很愛這個荷蘭館, 像一條夢幻小村莊



荷蘭的郁金香, 我的最愛啊





我可以住在這裡嗎?



再到意大利館, 很 grand!





然後到法國館, 15 分鐘就入到去, 日頭要排兩個鐘的!! 賺了賺了!
不過條隊咁短, 都仍然有人想打尖囉!



法國最出名是什麼? 你看到麼?



很美的盧浦大橋, 不停在變色!



之後到西班牙館, 有人表演跳舞, 又有大 BB 睇! 真係好迫真呀!





已經行到 9pm, 我們都很很很疲累.....
在園區內的蘇浙匯食晚飯, 很有水準的!



波比先生念念不忘三年之久的蟹粉豆腐啊, 蟹肉和蟹黃是不可多得的絕配



清炒河蝦, 在香港一定食唔到,
肉質超爽, 不用剝殼, 是上海必吃



蟹粉小籠包又點少得?
睇相都睇到D 皮有幾薄, 仲有裡面的湯汁, 正呀!



紅燒肉, 在香港也很難食到咁正宗的味道,
燒完已經變得好唔肥, 又好入味!



吃飽飽, 十時多, 本來已經打算離開, 點知行到去地鐵站入口, 聽到有職員嗌「澳大利亞館不用排隊, 還未關門」,
嘩, 我哋即刻衝埋去啦!
入去睇咗D 介紹, 最主要係睇 show, 都唔錯啊!



是時候走了



不過搭了幾個站, 先知原來地鐵二號線的尾班車已過, 最後, 我們要轉的士返酒店啊
11pm 就尾班車, 對香港人來說實在是很不習慣

第一天旅程完結, 好彩著咗波鞋, 腳是攰但未至於痛~
好好睡一覺先!