這個旅程, 早在 4 月已經 book 了, 用了 5 個月的時間去 plan, 算是大製作!
等了又等, 終於都到出發的日子喇!
一早 book 了的士去機場, 6: 15 就到, 早到冇朋友...... 成個機場都冇乜人.........
今次是坐東方航空, 波比先生之前出 trip 都係坐 MU,
其實質素係好唔錯的, 因為佢的規模等如香港的國泰, 比起我坐過的 OX/FD/長榮都好上好多倍!!!
很準時的起飛, 係 3-3 的細機, 好新, 座位夠闊夠舒服, 第一程機還坐了逃生門位, 伸直腳都得!
早餐是蘿蔔糕, 有很多蘿蔔絲在內, 正!
到了上海, 先搭磁浮去龍陽路站,
磁浮比我們三年前搭快了很多, 那時最多行到 303km/hr, 而家竟然行到 413km/hr!
8 分鐘就行了三十幾公里路, 等如我每天返工的路程! 如果有磁浮載我返工, 多好!!!
拖著行李, 轉搭二號線地鐵去到南京東路站, 行三條街就到我們下榻的曼克頓商務飯店
這一家飯店沒有選錯, 位置極佳, 向右行一條街就係外灘, 向左行三條街就係地鐵站同南京東路步行街,
我們 check in 了, 入住的房間, 竟然是在地下那層, lift 都唔洗搭!
房間絕對比我想像中大, 亦設備齊全, 真係 very good!!!
放低行李, 我們出發了! 飯店對面的建築, 很古色古香啊!
第一站我們去食期待已久的小楊生煎, 波比先生想想提起話點好食點多肉汁, 我都不明所以,
試過後, 真係太難忘!!!!
我食第一個時, 一口咬落去, 嘩, 成大 pat 肉汁噴出嚟, 噴到波比先生一身都係......
到波比先生食時, 又噴咗落我度......
如此情景, 不停在其他食客身上發生, 大家一邊食, 一邊擦掉四濺的肉汁......
之後食每一個, 都要小心奕奕, 先咬一小口, 飲了一半的肉汁先, 再好慢慢咬下一啖,
你睇, D 汁真係浸住晒個肉球!
D 肉唔肥又好滑, 皮超薄, 波比吃了 7 個, 我都吃了 5 個, 爽呀!!!! (只是 RMB$15)
此世間美食, 真係第二度搵唔到......
我終於都明白, 點解波比先生同我去台灣, 平時去食香港所謂有名的生煎包, 都係咁彈人哋冇肉汁了!
吃飽飽, 我哋就去南京東路步行街走走,
不過以前行過了, 知道冇咩好行,
反而去了一個叫 "353" 的商場, 入面的舖頭都幾 in 幾潮
去到頂樓的 food court, 竟然見到我們都很回味的 FOMO 小龍蝦,
兩個人吃了半份($30), 超開心, 這一家比我們食過的新鮮, 剝殼也不太難, 很快就俾我們清掉了一大盤!
超滿足!
之後就到外灘走走, 這一次來上海, 覺得地方比以前有進步,
不知是否世博的關係, 路上很多負責清潔的工人, 又有公安維持秩序, 在外灘制止那些不守法的人,
不過, 人的質素, 還是很難控制,
你要時刻提防有人在你身邊吐痰、咳和打噴嚏而冇掩口鼻、推推撞撞,
最討厭就是那些盲的大陸人, 當我們企好想拍張照片時, 他們可以見唔到你, 完全冇空間概念,
一個身子壓在你的前後左右, 左攝右攝, 看得我們目瞪口呆!
最經典是見到小朋友在外灘拉屎! 沒錯, 是拉屎!
好似香港人放狗俾小狗拉屎般, 阿媽叫阿仔除褲, 然後用張報紙兜住在下面讓阿仔在上面拉屎!
我們亦見過地鐵站有尿...... 太恐怖了...........
好了好了, 還是欣賞下外灘的美景啦! 天氣太好了! (上次來時陰陰天很掃興)
勁曬勁熱, 真係滴晒汗!
3pm 返到酒店, 瞓咗個晏覺, 因為..... 太眼瞓了, 我 4am 起身唷!
沒有留言:
發佈留言