本身都想學冰皮月餅, 但係時間唔啱, 而我又想整中式月餅可以帶去日本過中秋時食,
於是就 join 了韋太的中式月餅班!
韋太那裡的煮食設備好犀利, 我遲D 會唔會升呢增添更多設備呢?
有好的設備, 閒時約吓朋友上嚟整嘢食, 其實都幾開心啊!
講返個月餅, 個皮一早已由韋太準備好, (因為時間關係, 要雪啊)
我哋負責秤好蓮蓉同皮的份量, 蓮蓉包蛋黃, 再餅皮包蓮蓉,
我初時都以為包埋D 嘢好易o者, 但原來絕對唔係,
因為塊皮實在太薄了, 要包得平均又唔穿窿, 原來都好難o架!
跟住級模都幾難, 因為要舊餅糰每一邊都貼晒個模原來都好考功夫!
圓形模嗰D 整得夠貼, 但係方形模嗰D 邊就有D一忽忽....
之後噴水輕輕焗一焗
然後搽蛋漿, 又好有技巧,
太大力驚整花個面, 太細力又揸唔到, 搽得太多又易燶...
再焗
登登登鄧, 完成了, 真係好開心啊!
不過而家未食得住o架, 仲要等多三日回油, 即係咸蛋黃的油滲出嚟, 就成個月餅又令又靚o架喇!!
全部同學仔的作品
返到屋企入埋盒, 扮到好似好 pro 咁, 可以送俾人喇! :P
真係好多謝韋太的悉心教授, 有好多技巧真係要真人才教到~
這是我第一次參加煮食課程, 感覺良好! 值得再參加!
如果唔係下星期唔喺香港, 都好想自己整一批送俾朋友啊!
今晚就去了搵 Daddy 食飯, 送了兩個俾佢,
客家好廚的食物真的唔錯, 呢個煲到溶晒的蕃薯糖水已經加晒分!
沒有留言:
發佈留言