秒殺

中午 12:10, 收到波比先生的短訊: 「秒殺失敗」
指的是我命令佢飯都唔準出去食住, 要留喺公司上網預約世博的展館!
點知, 撲空了...... 波比先生話, 即使到了放飛時間, 都冇飛放出嚟嘅.....

晚上 8:00, 是另一節放飛時段, 我捕在電腦前, 不停的 refresh, 點知..... 都係冇飛......
看來 19/9 晚的飛是沒可能取得了, 於是當機立斷, 轉戰 20/9,
竟然有位, 立即訂了, 算了太好彩!



不過本來 20/9 是 plan 好了到浦東而不是浦西的展區, 但沒辦法啦, 而家又要由頭執過晒D 行程
變咗第一晚去歐洲國家館, 第二日就 D 片區 加 A/B 片區

睇睇 google map, estimate 一吓由一個館行去另一個館的時間, 發現世博真係大得離譜,
由東行到西, 其實是由銅鑼灣行去中環咁濟.......

其實我們都算是放開點的去這個 trip, 深知道一晚加一日根本冇可能睇到D 最 hit 的國家館,
應該話要排多過一個鐘的館, 我們也絕不會排,
只希望不要乜都睇唔到就好了!

我想趁夜晚人潮散去後, 去多兩個日頭好難排的館,
不過波比先生還是最緊張有冇好嘢食......
睇展館同去食大閘蟹二選其一的話, 佢話:「梗係去食嘢啦, D 館唔睇就算」=.=!