去了霸王山莊, 叫了幾個很例牌的菜色, 款款都好好味, 質素很穩定
點知波比先生食完以上食物, 都話唔夠飽.....
但係老婆唔俾佢再叫, 因為老婆今日的目標係要食有名的沛公甜品
去到唔知係咪早得濟, 竟然冇開位俾人坐, 攪到要買走,
波比先生冇嘢食, 自然開始扁咀........
好彩有得去佳記督牛什, 跟住又見到近來很多雜誌同 blogger 推介的手抓餅, 滿心歡喜去試啦, 點知........
有掛羊頭賣狗肉的感覺囉............
因為我們去過台中的夜市, 食過當地的手抓餅, 係有個叔叔好似表演鐵砂掌咁,
倒了麵漿落鐵板後, 不停用手打圈的抓呀抓, 餅底一邊變脆又一邊被翻起, 最後成個餅又酥又脆,
再把材料混進餅內, 粟米、肉鬆、芝士, 很簡單的配料, 熱溶再混埋一齊,
完成後熱辣辣的送入口, 好味得令人感動!!
但今日的所謂遠赴台灣學師兩個月的師傅, 竟然是用兩個鑊鏟去煎餅...... 何來「手抓」呀??
最令人 O 咀的是, 當餅差不多熟透, 佢竟然用鑊鏟去鏟爛個餅, 來營造似手抓的一絲絲質地,
我們真的啞掉了!!!!
餅整好離開鐵板, 佢先鋪D 材料上去, OMG!!!
仲難為佢的招牌大大隻字寫住「正宗」.........
我真係好唔明點解咁多 blogger 讚囉.....似乎只是因為店主同那些 blogger 素有交情......
經過的朋友, 我覺得冇必要食囉, 因為真係唔值, 亦感覺被騙!
返到屋企, 信箱裡有一份令人好開心的禮物啊!!
超多謝 Fanny 話我聽 KLM 有個免費幫你整行李牌的program,
我就 upload 了去布吉影的麥兜相, 好似都個幾月前了,
而家終於都收到喇, 好靚好開心啊, 唔捨得用啊!!!
到食沛公甜品的時間了, 開心返!
呢個係石板街千層 pancake, 好多果仁好正呀!
榴在心中 - 超濃榴槤餡加椰汁皮, 兩種我至愛的味道, 簡直係今年最愛的甜品呀!!
每款甜品 + $2 就可以換一個原價 $12 的布甸, 揀了一杏仁一咖啡, 不過過兩日先有肚試喇!
沒有留言:
發佈留言