上上網, 可惜大陸將所有 facebook 同 blog 都 block 了，除了睇新聞同 check e-mail , 根本無事可做...
好不容易 hea 到波比先生都起身, 他去買包包俾我做早餐
走半條街就係 Family Mart 了, 晨早食個熱辣辣, 軟綿綿的大包, 實在幸福
之後我們出發, 想試試自己截世博的士,
因為這種的士可以直入世博園區入口, 又安全有保證 (上次來上海試過俾無良司機兜路, 實在畢生難忘!)
不過, 原來這種的士很難截, 見到車, 但車上都已載客.....
還是要走回酒店叫酒店職員幫忙 call 車~
原來搭的士去園區只係 RMB$26 咋, 好平呀!
咁早知我哋尋日走時直接搭的士啦.....
去到是 9:30am , 見到遠遠有好多國內旅行團湧緊埋嚟, 我們加快腳步, 快快過安檢先!
今日用了我在香港買的世博飛, 證明飛是真的, 哈!
我們預約了 11:00am 睇通用汽車館, 仲有時間, 所以先去隔離的信息通信館睇睇
今日日頭來到, 我終於都見識到排隊的盛況, 一個館真的可以排 4-6 個鐘.....
亦見識到世博如靈丹妙藥, 令好多「傷殘人士」起死回生的偉大壯舉!
一個「跛」到要坐輪椅的阿婆, 竟然可以承受一個孫兒坐在其雙腿上, 何其孝感動天!
一個「跛」到要坐輪椅的阿伯, 入到場館就可以起身活動自如, 何其令人刮目相看! 但我又見到一 D 真係行得好慢, 滿頭白髮的老婆婆, 一步一步都堅持自己行入去, 唔坐輪椅,
羞恥的, 有氣節的, 我都親眼見到,
但往往就是那些不守規矩的人, 令「中國人」蒙羞!
整體排除的秩序好嗎?
我會話 80% 的人都是守規的, 但又總有些人會借意想攝前D,
見識到傳聞中的: 有人扮話前面有朋友, 要借借上前去「找朋友」
有人更夠膽死當眾跳入有幾百人的欄杆想插隊, 幸好有警衛趕返佢出嚟, 民眾無不叫好歡呼,
又有人博大霧, 跟貼著一些走 VIP/綠色通道的人, 想「扮朋友」一同入去,
不過守衛做得好, 往往都截了這些人出來!
排了 20 分鐘, 入到去信息通信館,
每人派了一部 handheld, 會接駁 Wifi 不停 update 你下一步做咩, 叫你將你對未來的夢想輸入
這些東西對大陸人來說可能好新奇, 不過對個個都用 iPhone 的香港人, 還是見慣不怪
之後入場睇了兩個 show, 超超超大的螢幕, 介紹未來萬樣信息通訊的可能,
不過有些我覺得太浮誇了, 似科幻電影多D.....
睇完啱啱 10:45am, 我哋就衝去通用汽車館, 如果沒預約, 要排上三小時啊!
入到去, 人人坐喺一個未來汽車座位, 看了一段介紹未來汽車的影片,
座位是會跟隨螢幕左搖右擺, 很好玩!
最好的概念, 應該是可以令到救護車不再塞車, 不會錯失救人的分秒
螢幕降下, 片中的幾架未來車子在我們面前出現了!
最後仲可以用未來車子拍拍照
之後, 走到可口可樂館, 要排 2.5hr, 唔入了, 在館外影相
睇呢部機, 好似好得意, 以為有咩玩, 用了 RMB$10 買罐可樂, 點知.....
只係在 touch screen 按一個掣就完了............. O 咀......
世博特別版可樂, 本來打算飲完留返個罐做紀念,
點知........ 波比先生唔覺意掉咗, 啞晒...........
下一站是城市足跡館, 呢個館幾好睇啊, 有D 嘢令人嘩嘩聲!
有唔同城市國家的場景, 好特別 (相片要到 facebook 睇)
又夠鐘, 1pm 去了國家電網館,
電網, 我初時以為係電子網絡, 入到去先知係供電網絡, 即係電力公司.....
最特別的, 係入去呢個 Magic Box,
房間內6 面都係螢幕, 介紹發電同用電
已經 1:30pm, 係時候醫肚喇,
去了沈大成, 牛肉麵超正, 真係牛肉湯嚟o架!
兩面黃: D 麵就好脆好好味, 但蝦就唔得...... 霉的........
沒有留言:
發佈留言