麥嘜陪你食飯

嘻嘻, 好開心, 尋日去百佳買嘢, 換咗兩 set 麥嘜碗筷! 好可愛好鍾意啊!
麥嘜陪住食飯的感覺特別開心~



估唔到星期一都可以準時走到, 可以為今個星期買定好多好餸!
這個豉椒虎蝦秀珍菇蒸滑豆腐,
菇類好多纖維, 豆腐又有豐富異黃酮, 兩樣食得夠可以降膽固醇o架, 以後都要煮多D!
虎蝦是今日睇報紙, 百佳做特價, 一包 $28.8 咋, 好爽口都幾大隻, good!!


前兩日食了一家元朗新開的台灣菜, 難食到喊!!!
個蚵仔煎簡直像餿水一樣難以入口,
我同波比先生講:「點解有D 人開間舖頭, 要煮D 咁難食嘅嘢俾人食嘅呢?」
只要有少少心的人, 要搵一個食譜有幾難, 點解D 食物可以亂整難食到死? 真係好唔明白......

食過難食的餐廳, 只好永久 blacklist! 好少嘥篇幅喺 blog 度講,
但今次, 真係太太太難食了...........