剛好合約下個月到期, 而 one2free 的服務愈來愈差!!
所以決定了轉去 SMV 加埋訂 iPhone 4
上星期波比有同事在第一日已出了機, 聽波比先生的形容, 不停是靚同快~
今日終於佢都有機攞了! 放工飛過返元朗取機, SMV 一路愈來愈多人, 愈來愈多人放工前來取機~
後來的人要等得耐, 遇上一名周身掛上名牌的港女, 等嗰一陣就鬼死咁唔耐煩,
不停嘈嘈哄, 阿姐, 人人都係出機o者, 人人都係咁排隊,
妳又出 iPhone, 我又係出 iPhone, 妳好巴閉一定要做咗你先嗎?! 唔等得就聽日先嚟啦~
今日肥仔朋友等了 45 分鐘先取機都係咁啦~ 真係好頂唔順呢D 冇禮貌懶巴閉的香港人~
上年我由 one2free 轉去 SMV, 一路都真係好滿意D 服務,
今日負責幫波比先生出機的店員亦都係好好禮貌好 helpful!
因為下個月先約滿, 但係 one2free 又衰格都要收錢先肯幫你換 microSIM,
所以波比先生就寧願俾錢 SMV 賺, 今個月出了一個 SMV 的新 number, 飛線過嚟,
就可以即刻用到 SMV 的服務了!
取了機, 我們又猶豫賣唔賣咗去...... 因為今日收機價都有 $7200,
賣了再上 apple store 買返, 都有 2k 賺,
不過, 最後都沒有賣到 (嘻, 係賣唔出), 個天都注定呢部機要我哋用啦~
部機呢, 真係好快又好靚! 真係好爽~ 冇賣到自用絕對唔會後悔啊!
個 mon 靚到: 就好似係由以前的電視, 忽然間轉睇高清電視咁, 真係靚到無可再靚~
波比太太會唔會轉?? 仍在考慮中, 或者有波比先生的玩吓就好了~
晚上去了朋友仔的荼毒大會, 4個朋友中, 2 個今日都買了 iPad,
波比先生好似魔鬼的不停叫人買 iPhone iPad, 真係敗家呀!
-1.jpg)
.jpg)
haha!
回覆刪除我地屋企同公司0的人都中哂蘋果毒，依家都要i咩i咩！佢地話我個名前面都要加i， 如果唔係我老公會唔愛我！wahhahah！
我都係smv出左iphone4，俾左eric用，我都冇賣呀，見個價又唔係好高，又好難賣，算啦！
聽你咁講，好彩冇出one2freeji，我原身都有諗過！
不過smv0的staff真係好nice好清楚，我之前用3，0的人0的態度都係愛理不理，估唔到原來smv0的training咁好！
P.S., iPad真係ok wor，依家我用黎打機睇漫畫，eric係公司用黎present，佢番屋企都冇開notebook la！
ha, one2free 真係愈來愈唔掂呀, 我之前用咗好多年都要轉~
回覆刪除我哋每年都要俾好多錢 Apply 賺啊....
我都係頂唔到 3 o既服務所以轉去 SMV，都係開個新 no. 再飛線，不過o的 sms 飛唔到就麻煩o的﹗~~~ iphone4 個價真係好吸引，攪到我用緊 3gs 都心思思。
回覆刪除哈, 我用緊 3G 都有D 心動, 不過見到影相影成咁,有D 卻步...
回覆刪除同埋我而家用緊D 平嘅上網 plan, 如果一用 iPhone 4, 要轉貴 plan, 好似一個無底深潭, 以後的月費只會愈用愈貴...
所以都係要三思