Computer Expo 2010

又到了一年一度的電腦展, 繼上年一人買了一個 server 返屋企,
今年波比先生加大學同學又再度出擊掃貨!

一早十點就去到, 行得好舒服, 完全唔迫,
好似人流真係少咗好多, 但真係一年比一年冇嘢睇......
電腦展已經成為只係商舖促銷的地方, 但價錢其實無比街舖平, 很多只係扮減價....
已經冇晒當年D 龍頭大牌子, 一人一個大 booth 展示最新產品的盛況,
甚至有兩個頭位大 booth 都租唔出

最後我們都每個 family 買了一個家庭影院小設備, 哈!



較特別的, 係見到連 notebook 都有得 3D 囉, 洗唔洗呀.........
仲有好多 3D 電視!



之後去了雀局 gathering, 我的雀友真係太癲了, 成日食十三么 (雖然我都食到一鋪!), 好驚啊!

夜晚叫了外賣, 竟然連印度咖哩都有得外賣, 仲要好好食添, 讚!!