尋寶

今日第三次見了個淋巴癌的伯伯, 上一次同今次, 都睇住佢咳咗好多血痰出嚟.....
D 痰係大舊到....... total 可以裝滿一個小飯碗,
我不停叫他咳, 手執紙巾從他口中拉出濃濃的血痰, 一路拉一路拉都未見盡頭,
好似魔術師從帽子不停拉出絲巾一樣.......
過程中, 他又會吐出幾塊唔知喺邊度走出來的大血塊, 實在, 很恐怖.............
全身不同的地方都相繼出血, 癌症真的很折磨人.........

又有一個女士, 本來割了個腦瘤好成功, 眼見她就快出院, 點知忽然間又急轉直下....
後來才發現原來腦瘤又暗地裡擴散了,
而家安排去一間寧養醫院, 即是一些末期癌症病人去的最後一站, 實在變化得太快......
還望她的家人不要太傷心~

今晚波比先生又去踢波, 又一個人食咩好?
哈, 幫手清清屋企的即食麵同杯麵啦, 上次去日本買的, 都仲淨返 6 個呀!!!
煮了個烏冬聽日帶飯, 煩惱緊落咩汁之際, 在廚櫃尋寶時, 發現了呢一樽上年七月去台灣買的炸醬呀!
好彩未過期, 如獲至寶! 因為撈少少落任何食物, 都會變得辣辣地又好惹味!
去開台灣的話, 維力的調味料不可不買, 唔知而家香港有冇得賣呢??