係呀, 而家一個星期之開始已 plan 好晒呢個星期每日食咩餸, 唔洗每日諗一次咁大壓力!
波比先生只好無奈又冇癮地收線,
其實, 呢個時候我已經有特別計劃 A!
登登登鄧!!!! 呢 pack 三文魚刺身係咪正到爆呢?!!!!
我哋屋企對面的工業大廈新開了一間日本食物批發店, 有超多刺身、牛扒、生蠔、炸物賣,
你講得出的都有咁濟, 今日放工就上咗去 shopping!
至衰佢唔收卡囉, 唔係肯定大出血! 不過我都決定咗聽日會再上去掃貨!
咁大 pack 又厚切, 都係 $108 / 磅咋, 食得太開心了!
(每次很想食三文魚, 但見到百佳的超薄切時, 真係咩 mood 都冇晒!)
另外煮了燒鯖魚, 因為上星期同朋友食過一次, 超好味, 於是早幾日見到就買咗
幾好喎, 唔腥, 冇乜骨, 上下都好脆, 可以令都唔食魚的波比先生都食晒一大舊, 都算係咁!
D 串燒牛舌又係今日買的, $38/ 5 串, 絕對抵過出去食, 起碼都要 $2x / 兩串
最好係自己整, 可以燒/煎到好脆, 真係好好味, 仲有加D 日式燒肉汁, 真係絕配
出面食唔到, 通常都好求其整熟咗就算~
呢兩味餸冇乜 skill , 又快, 啱晒趕時間的c9 仔!
還有一早安排了今日要食的日式冷麵, 其實那冷麵汁才是主角,
有咗佢乜都好食, 港女都變大廚呃得吓人, 哈哈哈!!
有興趣睇睇間日本食物批發店的價目表的朋友可聯絡我,
元朗滿$300 免費送貨, 屯門/上水滿 $500免費送貨
今日買完嘢, 老細仲送咗包三文魚骨俾我, 唔好以為真係得D 骨唔知做咩,
其實係連埋唔少肉o架, 我見人哋通常用嚟焗, 都話好好味, 下次整完一定 post 上嚟!
三文魚骨 + 7 spicy powder + salt !
回覆刪除pan fired = excellent !!!
no need to add oil, because salmon is already very fat !!!
wei wei, please give me the address :D
oh! 唔洗落油就得? 多謝晒妳話我聽!
回覆刪除