本來佢哋話想去南生圍影相, 但忽然間落雨, (唉, 呢排的天氣都好差)
所以轉陣上來打機!
漸漸, 我們一個又一個的買了 DSLR, DSLR 已經是人人都有的玩具~
夜晚我們出發, 往流浮山食海鮮,
今日由啱啱考到牌的肥仔揸新車載我哋去啊, wow wow wow!!
新牌落地, 考完又冇補過街鐘的話, 已經算是揸得唔錯了!!
我哋大家都唔係好識路點去流浮山,
車上的6 個人有人就用 GPS, 有人就幫手睇後面有冇車, 有人就靠記憶帶路, 有人就睇路牌,
最後, 我們好順利地去到了流浮山喇!! Yeah~~~
不過都有攪笑事, 就係行流浮山的窄路時.....
「點解我哋同對面線架巴士咁貼嘅....?」
朋友都問我哋點解唔買車, 係喎, 個牌都兩年了!
初時考到牌雄心壯志想買車時就困難重重,
而家倒覺得暫時冇太大需要買車啦, 亦慶幸當時冇買到,
因為養車太貴了, 而家西鐵度度都去到, 連我返工返學的地方都冇乜問題,
還是嗰句: 唔養車的錢, 夠我哋一年去兩次日本了, 都係去旅行好, 嘻嘻!
去了一間叫明記的食海鮮, well 名過其實......
呢個奄仔蟹算唔錯
椒鹽蝦好脆
但其他的食物: 蟶子煮完出嚟都唔熱嘅...... 冇乜味.....
帶子蒸得太老了......
生炒骨硬過石頭......
地道蝦醬通菜還算 ok!
最攪笑的, 係電視的擺位..... 擺咗出去對面間屋個冷氣機位, O 咀....
沒有留言:
發佈留言