掃墓日

今日隨同波比 family 去掃墓,
掃完墓去飲茶, 奶奶問我做乜出咁多暗瘡? 吓, 我都想知答案.....
唔知係咪就嚟考試壓力大 (以前讀 U 一考試又係勁爆....),
又瞓得唔好 (連續幾晚發夢, 唔係見到 patient 又係發自己要考試未讀晒書, 仲有見到老細)
今次真係爆得好嚴重...... 連一向有效的養和堂龜苓膏都亳無幫助.....
最後從藥櫃找來了粒 anti-inflammatory 的藥, 一食好了 80%! 暫時性壓住都好啦~

今日在旺角行了四間書店, 都冇我想搵的旅遊書,
去到第五間, 終於找到了, 簡直覺得好似中獎咁!!!! 冷門的地方, 真係好~難~搵~
本旅遊書就係我考試的原動力!

波比先生尋日無啦啦買咗個電子防潮箱俾我,
「吓? 我得部 cheap 機仔同支 cheap 鏡仔, 洗唔洗電子防潮箱呀?」
不過我知都係波比先生一番心意, 多謝老公的心思~

「為咗唔好嘥咗你個電子防潮箱, 我唯有買多支鏡頭擺入佢」
哈哈, 如果搵到D Minolta 50 1.7 就好了~ 真係好鍾意 Minolta 鏡的顏色~