大阪第六天 - 通天閣

我的遊記冇爛尾呀, 一考完試就快快寫埋佢, 免得唔記得晒!

第六天, 我們搭 6:25pm 返香港, 都算有大半日時間玩, 但都好趕!
早晨呀, 我們的房間向東, 其實係可以睇到日出的美景,
可惜日日都落雨 + 厚雲, 令我看日出的美夢幻滅了......
今日, 雲霧散了點, 見到天邊的一點輪廓



我們呢幾日買了好多食物, 日日出街都已經太多好嘢食,
攪到堆積在雪櫃的食物要今朝一次過清晒佢..... (但有D 都唔理喇, 帶咗返香港)
呢個芝士蛋糕係神戶名物, 上面有一層芝士, 如果擺入微波爐叮三分鐘,
D 芝士就會溶晒, 嘩, 你想像到嗰種美味法呀呵!

奈何...... 酒店房又點會有微波爐呢???
為食的豬氏家庭又點會罷休! 豬太用熱水壺仔煲了熱水,
打開蓋, 上面放兩隻木筷子, 然後 'long' 個蛋糕喺上面!!!

看看結果: 面頭的芝士真係溶了點, 但始終都做唔到溶到流落嚟的效果......
不過, 加粒鮮甜多汁的士多啤梨, 仍是很美滿的早餐!



Check out 後, 我們今日用了「大阪周遊卡」去玩,
2000 Yen 包一日任搭地鐵同埋好多景點免費入場, 不過我哋時間所限, 未能去晒所有免費景點, 可惜~

我們搭地鐵, 去了動物園前站, 那裡有個叫「新世界」的地區, 有很多街坊商店~



自從上次去東京同曼谷睇過夜景, 就愛上了上一些觀光塔睇風景,
今次要上的, 是個叫「通天閣」的鐵塔!



一開門我哋就入去了, 嘩, 四周的風景都好靚, 不過如果藍天白雲會更加好!



今日天氣都係時晴時陰啦~



Hi Hi, 呢隻就係河豬喇!





呢個地區有好多呢個神像, 相傳摸摸佢的腳板底會帶來好運





影相同 Hea 咗一個鐘, 我哋要走喇團友, 趕下個景點啊!