大阪最終回 - 大阪城

呢個 trip 的最後一個景點, 大阪城, 是一個賞櫻熱點,
可惜整個三月天氣持續寒冷, 已經特意安排最後一日才去賞櫻, 但還是只有零星的櫻花樹開花了
如果滿開的話, 這條路一定美極了!



天氣麻麻地....







用周遊卡, 免費的入了西丸之庭園,
如果賞櫻的話, 推介一定要入去, 因為入面有最多的櫻花樹, 滿路皆是!
開的最燦爛的, 就是這兩棵 (天氣忽晴忽陰, 變化得幾快!)





之後又係用周遊卡, 入了大阪城天守閣,
嘩, 好多旅行團......



城內反而冇乜特別..... 景觀又不及今早的通天閣,
若不是用周遊卡, 不太值付 600 yen 入內.....



差不多一時了, 我們是時候回程喇!
本來還想去買個好好味的芝士蛋糕, 想行多轉 100 yen 店, 都沒有時間了.....
去了心齋橋, 食多 round 若狹家!



返到香港就冇得食 lu.....



食食吓, 有日本人在店內食煙!!!
吓, 原來日本的食肆內係冇禁煙o架?? 好惡頂, 閃!

如果我們再到日本又遇上若狹家, 波比先生話要挑戰它的 15 分鐘勁食喎!
要喺 15 分鐘之內, 食晒一碗好大好大的什錦魚生飯, 食得晒就唔洗俾錢, 哈哈哈!

返酒店前, 我們去了樓下的超級市場最後衝刺, 掃了一車的食物!!!
盒士多啤梨真係正到爆!! 係朝採的 (即係今朝先喺農園摘落嚟), 拎到返香港都仲 ok 呀!
早知買多盒!



搭機場巴士, 好準時 50 分鐘就到機場了!
Check in 完, 傻吓傻吓就入閘, 點知入咗去先發現完來入面冇嘢行......
所有商店都喺未入閘的地方, 噢....
最最後都喺食物店再買D 手信食品,
6:25pm, 我們乘搭的 CX507 準時起飛了~


再見大阪, 呢個 trip 好開心!